Старбак (остров)

Старбак (англиски и кирибатски: Starbuck) или познат како Волонтерски Остров, е ненаселен корален атол во Тихиот Океан. Атолот е дел од Линиските Острови во Кирибати. Низ историјата атолот бил познат како Барен, Корал Квин, Хироу, Лоу Ајленд и Старв.

Сателитска снимка на Старбак.

Карта на Линиските Острови.

Рушевини од поранешната населба за ископување гвано.

Географија

Димензиите на островот се 8.9 со 3.5 километри и има вкупна површина од 1,620 хектари.^[1] Старбак е низок, сув, корален остров со стрмни плажи. Низ островот има неколку солени мали лагуни, повеќето на источниот дел од атолот. Понекогаш овие лагуни се сушат и теренот може да е доста опасен.^[2] На островот нема извор на свежа вода. Просечните годишни врнежи на атолот се 800 милиметри.^[1]

Историја

Островот бил забележан во 1823 година од Валентајн Старбак, британски командир на китоловски брод од САД.^[3] Низ историјата островот бил и под американска и британска управа. Со независноста на Кирибати, островот станал дел од новата океанска држава. На островот се ископувало гвано (птичјо ѓубриво).

Галерија

• 
  Карта на Старбак.
• 
  Рушевини од поранешна населба за ископување гвано.
• 
  Птици на островот.
• 
  Внатрешноста на островот.
• 
  Растенија на островот.