Тома Никлев

Тома Никлев Петров (1860, Свето Митрани - 4 мај 1909, Могила) — македонски револуционер, член и раководител на Македонската револуционерна организација, учесник во Илинденското востание и еден од членовите на Горскиот штаб на Крушевската востаничка околија ^[1].

Тома Никлев
Роден	1860 Свето Митрани, Македонија
Починал	4 мај 1909 Могила, Битолско, Македонија

Животопис

Никлев е роден во 1860 година во прилепското село Свето Митрани тогаш во Отоманското Царство. Тој се приклучил кон Македонската револуционерна организација во 1895 година и застанал на чело на првиот револуционерен комитет во Крушево. Во Илинденското востание бил член на Горското началство и учествувал во освојувањето на Крушево.

Загинал во екот на Борбата за Македонија. Заедно со крушевскиот четник Стојче Летник при преминување на реката Шемница, биле убиени од грчки терористи.^[2]