Училиштен штрајк за климатските промени

Училиштниот штрајк за климата (шведски: Skolstrejk för klimatet), познат и како Петоци за иднината, Младите за клима, Климатскиот штрајк или Младински штрајк за климата — меѓународно движење на учениците од училиштата кои си одат од часовите во петок за да учествуваат во демонстрации за да бараат акција од политичките водачи да преземат активности за да ги спречат климатските промени и индустријата за фосилни горива да премине во обновлива енергија .

Публицитетот и распространетото организирање започна откако шведската ученичка Грета Тунберг организирала протест во август 2018 година пред шведскиот Риксдаг (парламент), држејќи знак на кој пишуваше „Skolstrejk för klimatet“ (" Училиштен штрајк за климата ").^[1][2]

Глобалниот штрајк на 15 март 2019 година собрал повеќе од еден милион штрајкувачи. Околу 2200 штрајкови биле организирани во 125 земји.^[3][4][5] На 24 мај 2019 година се случил вториот глобален штрајк, на кој 1600 настани од 150 земји привлекле стотици илјади демонстранти. Настаните биле темпирани да се совпаднат со изборите за Европски парламент во 2019 година.^[6][7][8][9]

Глобалната недела за иднината во 2019 година била серија од 4500 штрајкови низ над 150 земји, фокусирани околу петок 20 септември и петок 27 септември. Најверојатно најголемите климатски штрајкови во светската историја, на 20 септември собрале приближно 4 милиони демонстранти, од кои голем број ученици, меѓу кои и 1,4 милиони луѓе штрајкувале во Германија.^[10] На 27 септември, околу 2 милиони луѓе учествувале на демонстрации низ целиот свет, вклучувајќи и над 1 милион демонстранти во Италија и неколку стотици илјади демонстранти во Канада.^[11][12][13]