Црква „Рождество на Пресвета Богородица“ - Лопатица

Рождество на пресв. Богородица — црква во битолското село Лопатица, претставник на Македонската преродба. Му припаѓа на Битолското архијерејско намесништво во Преспанско-пелагониската епархија на МПЦ - ОА.

Рождество на Пресвета Богородица
Фреска со Рождеството над влезот
македонска православна црква
Епархија	Преспанско-пелагониска
Архијерејско намесништво	Битолско
Парохија	Лисолајска
Местоположба
Координати	41°9′34.3″N 21°27′27.2″E
Место	Лопатица
Општина	Битола
Држава	Македонија
Општи податоци
Покровител	Богородица Марија
Завршено	1857
Архитектонски опис
Архит. тип	базилика
Стил	преродбенички

Црквата е гробишен храм, сместен на источниот крај на селото. Изградена е во 1857 година.^[1] Претставува голема камена базилика со полукружна апсида на исток. На запад подоцна во продолжение е доградена трпезарија. На југозапад има куловидна камбанарија изградена подоцна.

Храмот е забележителен по западниот ѕид на тремот однадвор, каде околу влезот во наосот има голема композиција (2,94 × 1,72 м), на која е претставен двобој помеѓу Крале Марко и Муса Кесеџија на коњи.^[1] Таа е дело на мајстор од Дебарската школа, изработена во 1884 година^[2]

За време на Првата светска војна, бугарската војска во цркват погребала загинати војници од VI пешадиски трновски полк.^[3]

Поврзано

• Лисолајска парохија
• Битолско архијерејско намесништво