Црква „Св. Петка“ - Скочивир

Света Петка – главна селска црква во селото Скочивир.^[1]

Света Петка
Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Краварско-бачка
Местоположба
Координати	40°58′29.2″N 21°38′15.6″E
Место	Скочивир
Општина	Новаци
Држава	Македонија
Општи податоци
Покровител	Света Петка
Завршено	1826/1860
Архитектонски опис

Местоположба

Црквата се наоѓа на влезот од селото во северниот дел на селото, на возвишение коиешто ѝ дава доминантна положба во однос на остатокот од селото.

Историја

Црквата е изградена во 1860 година.^{[б 1][2]}

Архитектура

Градбата на црквата е со правоаголна основа и полукружна апсида на источната страна. Кон западната страна е доградена пространа затворена припрата. Главниот влез на црквата се наоѓа на западната страна, а црквата има и спореден влез на јужната страна. Камбанаријата е со квадратна основа и се издига над југозападниот агол на припратата. Објектот во целост е обоен во бела боја и е покриен со кров од ќерамиди. Внатрешноста на црквата е со богат фрескоживопис којшто е во релативно лоша состојба.^[3]

Дворот на црквата е ограден со камена ограда и во него се сместени селските гробишта.

Српски воени гробишта

На селските гробишта во дворот на црквата се среќаваат и гробови на српски војници кои загинале во Првата светска војна. Гробиштата се наоѓаат во лоша состојба. ^[4]

Галерија

Надворешност и други објекти

• 
  Поглед на црквата
• 
  Припратата
• 
  Главниот влез
• 
  Спроедниот влез
• 
  Апсидата
• 
  Камбанаријата
• 
  Камбанаријата над припратата
• 
  Селските гробишта
• 
  Гробови
• 
  Гробови од Првата светска војна
• 
  Црквата во 1917 година

Внатрешност

• 
  Живописани претстави
• 
  Живописани светци
• 
  Фрескописот на сводот
• 
  Фреска со натпис на грчки јазик

Поврзано

• Скочивирски манастир
• Црква „Св. Архангел Михаил“ - Скочивир
• Црква „Св. Петар“ - Кајмакчалан
• Скочивир
• Преспанско-пелагониска епархија
• Битолско архијерејско намесништво
• Краварско-бачка парохија

Белешки

1. На мермерната плоча на јужната страна на камбанаријата е наведена 1826 година.