![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0d/%25D0%2592%25D0%25B8%25D0%25BD%25D0%25BE%25D0%25A1%25D0%25BA%25D0%25BE%25D0%25BF_2017_02.jpg/640px-%25D0%2592%25D0%25B8%25D0%25BD%25D0%25BE%25D0%25A1%25D0%25BA%25D0%25BE%25D0%25BF_2017_02.jpg&w=640&q=50)
Виноскоп
From Wikipedia, the free encyclopedia
Виноскоп — меѓународен фестивал на виното кое се одржува во Скопје. Граѓаните на Скопје, за првпат имале можност да присуствуваат на овој фестивал на вино "Вино-Скоп" во 2007 година. Настанот се одржал на плоштадот "13 Ноември" и биле презентирани 20 македонски винарски визби. За време на фестивалот, имало професионална дегустација на вина во која македонските винарски визби биле оценети од страна на тројца меѓународни и двајца локални судии. Гости на фестивалот биле, професионалниот дегустатор Кевин Мур, од списанието за вино "Harpers Wine and Spirit" од Велика Британија, и судијата од Италија, Енрика Тизицијати, експерт за италијански вина.
![Thumb image](http://upload.wikimedia.org/wikipedia/commons/thumb/0/0d/%D0%92%D0%B8%D0%BD%D0%BE%D0%A1%D0%BA%D0%BE%D0%BF_2017_02.jpg/640px-%D0%92%D0%B8%D0%BD%D0%BE%D0%A1%D0%BA%D0%BE%D0%BF_2017_02.jpg)
Победниците на фестивалот биле винариите: Винар, Сковин, Шато Камник, Пивка и Попова Кула. На фестивалот му претходела и културно-уметничка програма, и покрај македонските хорови, етно-бендови и дувачки оркестри, имало музички претстави и гости од Италија и Војводина, Србија. Средствата што биле собрани на аукцијата на вина што Градот Скопје ги организирал со овој фестивал за промовирање на македонските вина биле донација на добротворни организации за помош на Детската болница "Козле"[1].