From Wikipedia, the free encyclopedia
Областа Луксор ― една од областите (гувернерства) на Египет, постоејќи од 7 декември 2009 година, кога поранешниот претседател Хосни Мубарак го објавил нејзиното одвојување од областа Кена.[5] Се наоѓа на 635 км јужно од Каиро. Моментално е најмалата област во Египет, која опфаќа приближно 5 км од север кон југ, и 1,5 км од исток кон запад и лежи во Горен Египет покрај Нил. Градот Луксор е главен град на областа Луксор.
И покрај тоа што областа е една од главните одредишта за туристи во Египет, стапката на сиромаштија е повеќе од 60% во оваа област, но неодамна биле обезбедени некои мрежи за социјална заштита во облик на финансиска помош и можности за работа. Финансирањето е координирано од Министерството за финансии на земјата и со помош од меѓународни организации.[6]
Областа е поделена на следните општински единици со вкупно проценето население заклучно со јули 2017 година од 1.255.703. Во некои случаи има еден марказ и кисма со истото име.[7][8]
Име | Арапско име | Арапска (латинична) транслитерација |
Население (проценка од јули 2017) |
Вид |
---|---|---|---|---|
Курна | مركز القرنه | Al-Qarnah | 165.016 | Марказ |
Луксор | قسم الأقصر | Al-Uqṣur | 243.817 | Кизам (целосно урбана) |
Луксор | مركز الأقصر | Al-Uqṣur | 165.928 | Марказ |
Армант | مركز أرمنت | Armant | 174.774 | Марказ |
Есна | مركز إسنا | Isnā | 432.908 | Марказ |
Тиба | مركز شرطة طيبة | Shurṭah Ṭībah | 73.260 | Марказ |
Амблемот на Луксор ја претставува бистата на Тутанкамон на палуба на староегипетско кану, крстарејќи по Нил, со обелиск и сончева светлина во позадина.
Вкупната површина на областа е 2960 км2, што претставува 0,24% од површината на земјата.
На пописот во 2012 година, населението на областа која во 2009 година била создадена во новата област на Луксор било 1.064.000 луѓе. Од нив 47,4% живееле во урбани средини, додека 52,6% во рурални средини. Годишната стапка на раст на населението е 18,2 промили. Според проценките на населението од 2015 година, истата бројка е 1.147.058 со стапка на урбанизација од 37,8%.[9]
Според египетската Управа за инвестиции и слободни зони, подредена на Министерството за инвестиции, следните индустриски зони се наоѓаат во оваа област:[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.