Рио Негро (Амазон)
притока на Амазон From Wikipedia, the free encyclopedia
Рио Негро (португалски: Rio Negro [.I.u neɡɾu]; шпански: Río Negro [ˈRi.o ˈneɣɾo] „Црна Река“), или Гвајнија, како што е позната во нејзиниот горен дел, е најголемата лева притока на реката Амазон (сочинува околу 14% од водата во сливот на Амазон), најголемата река со црна вода во светот,[5] и една од десетте најголеми реки во светот со просечно испуштање .
| Рио Негро Река Гвајнија | |
|---|---|
 Зајдисонце на Рио Негро, возводно од Манаус | |
 На мапата е Рио Негро во Амазонскиот слив | |
| Изворно име | Rio Negro/Río Negro |
| Местоположба | |
| Држави | |
| Физички особености | |
| Извор | |
| • место | Гвајнија, регион на Амазон, Колумбија |
| • координати | 1°56′50″N 70°1′55″W (приближно) |
| • надм. вис. | 250 m (приближно) |
| Устие | , река Амазон |
• место | Манаус, Амазон, Бразил |
• координати | 3°08′00″S 59°54′30″W |
• надм. вис. | 30.48[1] м (100.0 ст) |
| Должина | 2,250 kм (1,400 ми)[2] |
| Големина на сливот | 691,000 km2 (267,000 ми) |
| Проток | |
| • место | устие[3] |
| • просечен | 28,400 m3/s (1,000,000 cu ft/s)[3] |
| Особености на сливот | |
| Притоки | |
| • леви | река Бранко (и други помали реки) |
| • десни | река Ваупес (и други помали реки) |
| Прогласено: | 19 март 2018 |
| Број | 2335[4] |
Горниот тек
Изворот на Рио Негро лежи во Колумбија, во департманот Гваенија, каде што реката е позната како река Гваенија.[6] Младата река тече во правец исток-североисток преку Природниот резерват Пуинаваи, поминувајќи по својот пат неколку мали домородни населби, како што се Куаринума, Брухас, Санта Роса и Табакуен. По приближно 400 км реката започнува да ја формира границата помеѓу Колумбискиот департман Гваенија и државата Амазон во Венецуела. Откако ја поминал колумбиската заедница Тонина и Маканал, реката се врти југозападно. Мароа е првиот град во Венецуела низ кој поминува реката. 120 км понатаму низводно реката го прима каналот Касикиаре од десната страна, формирајќи единствена врска помеѓу Ориноко и сливот на реката Амазон. Отсега натаму реката се вика Рио Негро .
Среден тек
Реката сега продолжува во југоисточен правец поминувајќи покрај венецуелскиот град Сан Карлос де Рио Негро, неговата најголема населба на реката, и колумбискиот Сан Фелипе. Во овој потег, реката постојано „се напојува“ со притоки од обете страни, и таа брзо расте во големина создавајќи големи речни острови, заедничка одлика за сите реки во сливот на Амазон. По формирањето на границата помеѓу Колумбија и Венецуела 260 км подолу Рио Негро достигнува до Пиедра дел Кокуј, маглива карпеста формација од времето на Прекамбрија, која припаѓа на Штитот на Гвајана. Тука тројната граница на Колумбија, Венецуела и Бразил се наоѓа на сред река и сега целосно влегува во државата Амазон, Бразил. Откако го поминала Кукуи, реката продолжува на југ, само привремено свртувајќи се на запад за неколку километри. Во Мисао Боа Виста реката Ичана се приклучува на Рио Негро и во Сао Хоаким се приклучува реката Уапес, а најголемата притока на Рио Негро, исто така влегува од десната страна. Рио Негро сега се врти значително кон исток, формирајќи неколку брзаци и мали островчиња на патот. Потоа поминува покрај Сао Габриел да Качоира, важен трговски град. По уште неколку брзаци и поглед кон планинскиот ланец Адормесида, реката го остава штитот на Гвајана по кој се поминува во горниот и средниот тек.
Долен тек
По влегувањето на реката Мари во Рио Негро, реката го продолжува својот правец кон исток, формирајќи многу големи острови и станувајќи многу широка на неколку локации. Ги поминува локалните заедници како што е Санта Изабел до Рио Негро. За време на влажната сезона, реката ја поплавува земјата далеку и широко, понекогаш со ширина од 30 км, за долги растојанија. Во текот на оваа сезона, од април до октомври, има сукцесија на лагуни, полни со долги острови и сложени канали со многу воден животински свет. Во близина на Карвоеиро, последната голема притока на Рио Негро, реката Бранко се приклучува на Рио Негро и привремено ја формира границата помеѓу државата Рораима и државата Амазон, Бразил. Реката сега минува по југоисточен тек, станувајќи многу широка во многу делови пред да стигне до најголемиот град на нејзиниот тек Манаус .
Националниот парк Анавиланас, единица за зачувување од 350,018 хектари што првично беше еколошка станица создадена во 1981 година, штити дел од архипелагот на реката Анавиланас во овој дел од реката.[7] Под архипелагот, се среќава со реката Солимеш за да ја формира реката Амазон, создавајќи феномен познат како Состанок на водите .
Реката е именувана според шпанскиот истражувач Франциско де Орелана, кој првпат наиде на неа во 1541 година. До средината на 17 век, језуитите се населиле покрај нејзините брегови среде бројни племиња: Индијанци, Манау, Аруак и Трума. После 1700 година, ропството покрај реката било вообичаено, а популацијата на домородните американци била значително намалена по контактот со евроазиските болести.[6] Оваа област беше и местото каде што се снимаше Survivor: The Amazon во 2003 година.
Додека името Рио Негро значи Црна Река, нејзините води се слични по бојата на силниот чај, што е типично за реките во црна вода. Темната боја потекнува од хумова киселина како резултат на нецелосно распаѓање на растителноста што содржи фенол од песочни чистини. Реката е така именувана затоа што од далеку изгледа црна.
Многу е напишано за продуктивноста на реките Рио Негро и другите реки со црна вода. Постарата идеја дека станува збор за „реки на глад“, со ново истражување, отстапи поради признанието дека Рио Негро, на пример, поддржува голема рибарска индустрија и има бројни плажи со желки. Ако истражувачите не пронајдоа многу домородни народи покрај Рио Негро во текот на 17 век, веројатно е дека нивното население е намалено заради нови заразни болести и војувања, а не заради ниската речна продуктивност.
Рио Негро е многу богата со различни видови. Околу 700 видови риби се документирани во сливот на реката, а се проценува дека вкупниот број е 800-900 видови риби, вклучувајќи скоро 100 ендеми и неколку неопишани видови.[8] Меѓу нив има многу што се важни за трговијата со аквариум, вклучувајќи ја и кардиналната тетра. Како резултат на каналот Касикиаре, многу водни видови се наоѓаат и во Рио Негро и во Ориноко. Бидејќи Каскиаре вклучува и делови од црна вода и чиста до бела вода, само релативно прилагодливи видови се во можност да поминат низ него помеѓу двата речни системи.[9]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
