Ријалто (мост)
From Wikipedia, the free encyclopedia
From Wikipedia, the free encyclopedia
Мостот Ријалто (италијански: Ponte di Rialto, венецијански: Ponte de Rialto) — најстариот од четирите мостови кои се наоѓаат на Големиот канал во Венеција, Италија. Изграден е помеѓу 1588 и 1591 година. Мостот е еден од важните симболи на Венеција.
Ријалто Ponte di Rialto | |
---|---|
Ријалто | |
Координати | 45.4380° СГШ; 12.3360° ИГД |
Носи | пешачки мост[1] |
Преминува | Голем канал |
Место | Венеција, Италија |
Особености | |
Вид | камен |
Ширина | 8.90 метарs (29.2 ст) |
Висина | 7.32 метарs (24.0 ст) (arch only) |
Најдолг распон | 31.80 метарs (104.3 ст) |
Историја | |
Почнат | 1588 |
Завршен | 1591 |
Местоположба | |
Првиот сув премин на Големиот канал бил понтонски мост изграден во 1181 година од Николо Баратиери. Тој бил наречен Понте дела Монета[2].
Развојот и важноста на пазарот Ријалто на источната страна го зголемил сообраќајот на мостот, кој бил заменет во 1255 година со дрвен мост. Оваа структура имала две наклонети рампи со подвижен централен дел и кој можел да се подигне за да се овозможи поминување на високи бродови. Врската со пазарот на крајот довело до промена на името на мостот. Во текот на првата половина на 15 век, по должината на страните на мостот биле изградени два реда продавници. Ов донело приход во државната каса, што помогнало да се одржи мостот.
Одржувањето било од витално значење за дрвениот мост. Тој бил делумно изгорен во револтот предводен од Бајмонте Типоло во 1310 година. Во 1444 година, мостот се срушил поради тежината на толпата што ја гледала парадата на чамците и повторно се срушил и во 1524 година.
Идејата за обнова на мостот но овој пат со употреба на камен најпрво била предложена во 1503 година. Неколку проекти биле разгледани во наредните децении. Во 1551 година, властите побарале предлози за обновување на мостот Ријалто. Плановите биле понудени од познати архитекти, како што се Јакопо Сансовино, Андреја Паладио и Џакомо Бароци да Вињола, но сите предложиле класичен пристап со неколку сводови, што било оценето како несоодветно за ситуацијата. Микеланџело, исто така, се сметал за дизајнер на мостот.
Овој камен мост, единствен распоред дизајниран од Антонио да Понте, конечно бил завршен во 1591 година. Сличен бил на дрвениот мост што претходно постоел. Две наклонети рампи доведуваат до централен трем. На двете страни од тремот, покриените рампи носат редови на продавници.
Денес мостот е една од врвните туристички атракции во Венеција[3].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.