പാണലുണ്ണി

ലൈകേനിഡേ കുടുംബത്തിലെ ഒരംഗമായ ചിത്രശലഭമാണ് പാണലുണ്ണി(Neopithecops zalmora/Quaker).^[1][2][3][4]

പാണലുണ്ണി
ആറളത്തുനിന്നും
Scientific classification
കിങ്ഡം:	Animalia
Phylum:	Arthropoda
Class:	Insecta
Order:	Lepidoptera
Superfamily:	Papilionoidea
Family:	Lycaenidae
Genus:	Neopithecops
Species:	N. zalmora
Binomial name
Neopithecops zalmora (Butler, [1870])

പേരിന്റെ പിന്നിൽ

പാണൽച്ചെടിയെ ആശ്രയിച്ച് ജീവിക്കുന്നതിനാലാണ് ഇവയ്ക്ക് പാണലുണ്ണി എന്ന് പേര് വന്നത്.

ശരീരഘടന

ആൺ/പെൺ ശലഭങ്ങൾക്ക് മാന്തളിർനിറം കലർന്ന തവിട്ടു നിറത്തിലുള്ള മുകൾ വശവും, വെള്ളയായ അടിവശവുമാണ്. ഇവയുടെ വർണ്ണം നനഞ്ഞ കാലാവസ്ഥയിലുള്ളതിനേക്കാൾ മങ്ങിയാണ് വരണ്ട കാലാവസ്ഥയിൽ കാണുക. ^[5]

പശ്ചിമഘട്ടത്തിൽ കാണപ്പെടുന്ന പാണലുണ്ണി

കടവൂര് നിന്നുമെടുത്ത ചിത്രം

ചിറകിന്റെ മുകൾ വശം

തവിട്ടു നിറത്തിൽ മങ്ങിയ വെളുത്ത പാടുകൾ.

ചിറകിന്റെ അടി വശം

വെളുപ്പിൽ ഒരു വലിയ തവിട്ട് പൊട്ടും, ഏതാനും ചെറിയ പൊട്ടുകളും.

ചിറകിന്റെ അരിക്

കടും തവിട്ട് കരയും, അതിനടിയിൽ കടും തവിട്ട് പൊട്ടുകളും.

ആഹാരരീതി

മണ്ണിൽ നിന്നും ലഭിക്കുന്ന ലവണം മുഖ്യമായും ഭക്ഷിന്നുന്ന ഇവ പൂന്തേനും കഴിക്കാറുണ്ട്

ജീവിതചക്രം

പാണൽ ചെടിയിൽ ഇടുന്ന വെളുത്ത മുട്ടകൾ രണ്ടു ദിവസത്തിനു ശേഷം വിരിഞ്ഞ് പുറത്തുവരുന്ന ശലഭപ്പുഴുക്കൾ പച്ച നിറത്തിലാണ് കാണപ്പെടുന്നത്. ഇവ പുഴുപ്പൊതിയാവുമ്പോൾ ആദ്യം പച്ചനിറവും, പിന്നീട് ഇരുണ്ടനിറവും ആവും. പുഴുപ്പൊതി ഇരുണ്ടുകഴിഞ്ഞാൽ ഒരു ദിവസത്തിനു ശേഷം ചിത്രശലഭം പുറത്തുവരുന്നു.

വരണ്ട കാലാവസ്ഥയിൽ കൊൽക്കത്തയ്ക്കടുത്ത് നരേന്ദർപൂറിൽ കാണപ്പെടുന്ന പാണലുണ്ണി

വയനാട്ടിലെ പാണനുണ്ണി

കാണപ്പെടുന്ന സ്ഥലങ്ങൾ

• കിഴക്കൻ ഹിമാലയം
• ബംഗാൾ
• ഒറീസ്സ
• പശ്ചിമഘട്ടം
• സിലോൺ
• ആസാം
• ബർമ്മ
• ടെനസ്സെരിം
• ആൻഡമാൻ
• മലയ് ഉപദ്വീപ്