ആമ്പല്ലൂർ (എറണാകുളം)
എറണാകുളം ജില്ലയിലെ ഗ്രാമം From Wikipedia, the free encyclopedia
Remove ads
കേരളത്തിലെ കൊച്ചി നഗരത്തിന്റെ ഒരു പ്രാന്തപ്രദേശമാണ് ആമ്പല്ലൂർ.[1] മുളന്തുരുത്തി ബ്ലോക്ക് പഞ്ചായത്തിൽ, ആമ്പല്ലൂർ ഗ്രാമപഞ്ചായത്തിന്റെ ഭാഗമാണ് ഈ ഗ്രാമം. ജില്ലാ ആസ്ഥാനമായ കാക്കനാടിന് 20 കിലോമീറ്റർ കിഴക്കായി സ്ഥിതിചെയ്യുന്ന ഇവിടേയ്ക്ക് മുളന്തുരുത്തിയിൽ നിന്ന് 3 കിലോമീറ്റർ ദൂരമുണ്ട്.
Remove ads
ജനസംഖ്യ
2001 ലെ ഇന്ത്യൻ കനേഷുമാരി പ്രകാരം, ആമ്പല്ലൂർ ഗ്രാമത്തിലെ ജനസംഖ്യ 5763 പുരുഷന്മാരും 5994 സ്ത്രീകളും ഉൾപ്പെടെ 11757 ആയിരുന്നു.[2]
സ്ഥാനം
കൊച്ചി നഗരകേന്ദ്രത്തിൽ നിന്ന് ഏകദേശം 20 കിലോമീറ്റർ അകലെയാണ് ആമ്പല്ലൂർ ഗ്രാമം സ്ഥിതി ചെയ്യുന്നത്. എറണാകുളം ജില്ലയുടെ തെക്കേയറ്റത്ത് രൂപപ്പെടുന്ന ആമ്പല്ലൂർ ഗ്രാമപഞ്ചായത്തിന്റെ ഭാഗമാണിത്. എറണാകുളം-തലയോലപ്പറമ്പ് പ്രധാന പാതയിലാണ് ആമ്പല്ലൂർ ഗ്രാമത്തിന്റെ സ്ഥാനം. തിരുവാണിയൂർ (10 കി.മീ.), പിറവം (11 കി.മീ.), ചോറ്റാനിക്കര (9 കി.മീ.), ഉദയംപേരൂർ (5 കി.മീ.) എന്നിവയാണ് ആമ്പല്ലൂരിന്റെ സമീപത്തുള്ള മറ്റു ഗ്രാമങ്ങൾ.
ആമ്പല്ലൂരിലെ പ്രധാന കവലയാണ് ആമ്പല്ലൂർ പള്ളിത്താഴം. ഈ പ്രദേശത്തെ പ്രധാന ക്ഷേത്രങ്ങൾ ഭഗവതി ക്ഷേത്രങ്ങളായ ആമ്പല്ലൂർ കാവും കൂട്ടേ കാവും ആണ്. ഗ്രാമത്തിനു സമീപത്തായി ഒരു പ്രധാന കൃഷ്ണ ക്ഷേത്രമായ ആമ്പല്ലൂർ തൃക്കോവിൽ സ്ഥിതിചെയ്യുന്നു. 1810-ൽ സ്ഥാപിതമായ സെൻ്റ് ഫ്രാൻസിസ് അസീസി സീറോ മലബാർ കത്തോലിക്കാ ദേവാലയം ഈ ജംഗ്ഷനിലാണ്. ഇവിടുത്തെ ആദ്യത്തെ വിദ്യാലയമായ സെൻ്റ് ഫ്രാൻസിസ് യുപി സ്കൂൾ അതിന്റെ ശതാബ്ദി സമീപകാലത്ത് ആഘോഷിച്ചു.
പെരുമ്പിള്ളി, ആരക്കുന്നം, കാഞ്ഞിരമറ്റം, എടയ്ക്കാട്ടുവയൽ എന്നിവ ആമ്പല്ലൂരിനോട് ചേർന്നുള്ള ഏതാനും സ്ഥലങ്ങളാണ്.
Remove ads
ഗതാഗതം
കാഞ്ഞിരമറ്റം റെയിൽവേ സ്റ്റേഷൻ, മുളന്തുരുത്തി റെയിൽവേ സ്റ്റേഷൻ എന്നിവയാണ് ആമ്പല്ലൂർ ഗ്രാമത്തിന് സമീപത്തുള്ള റെയിൽവേ സ്റ്റേഷനുകൾ.
അവലംബം
Wikiwand - on
Seamless Wikipedia browsing. On steroids.
Remove ads