ഓറഞ്ച് കൗണ്ടി, കാലിഫോർണിയ
From Wikipedia, the free encyclopedia
Remove ads
ഓറഞ്ച് കൗണ്ടി, അമേരിക്കൻ ഐക്യനാടുകളിലെ കാലിഫോർണിയ സംസ്ഥാനത്തിലെ ഒരു കൗണ്ടിയാണ്. 2010 ലെ സെൻസസ് പ്രകാരം 3,010,232[5] ജനസംഖ്യയുള്ള ഈ കൗണ്ടി, കാലിഫോർണിയ സംസ്ഥാനത്ത് ജനസംഖ്യയിൽ മൂന്നാം സ്ഥാനവും അമേരിക്കൻ ഐക്യനാടുകളിലെ മൊത്തം ജനസംഖ്യയിൽ ആറാം സ്ഥാനവും മറ്റ് ഇരുപത്തിയൊന്ന് യുഎസ് സംസ്ഥാനങ്ങളേക്കാൾ കൂടുതൽ ജനസംഖ്യയുമുള്ളതുമായ ഒരു കൗണ്ടിയാണ്.[7] ഈ കൗണ്ടിയുടെ ആസ്ഥാനം സാന്താ അന നഗരത്തിലാണ്.[8] സാൻ ഫ്രാൻസിസ്കോ കൗണ്ടി കഴിഞ്ഞാൽ കാലിഫോർണിയ സംസ്ഥാനത്തെ ഏറ്റവും കൂടുതൽ ജനസാന്ദ്രതയുള്ള രണ്ടാമത്തെ കൗണ്ടിയുമാണിത്.[9] ഓരോന്നിനും 200,000 ജനങ്ങളിൽ കൂടുതലുള്ള രാജ്യത്തെ ഏറ്റവും വലിയ നാല് നഗരങ്ങളായ അനഹൈം, സാന്താ അന, ഇർവിൻ, ഹണ്ടിംഗ്ടൺ ബീച്ച് എന്നിവ ഈ കൗണ്ടിയിലാണ് സ്ഥിതിചെയ്യുന്നത്. ഹണ്ടിങ്ടൺ ബീച്ച്, ന്യൂപോർട്ട് ബീച്ച്, ലഗൂണ ബീച്ച്, ഡാന പോയിന്റ്, സാൻ ക്ലെമെൻറ് എന്നിങ്ങനെ ഓറഞ്ച് കൌണ്ടിയിലെ നിരവധി നഗരങ്ങൾ പസിഫിക് മഹാസമുദ്ര തീരത്താണ് സ്ഥിതിചെയ്യുന്നത്.
ഓറഞ്ച് കൌണ്ടി, ലോസ് ആഞ്ചെലസ്-ലോംഗ് ബീച്ച്-അനഹൈ, CA മെട്രോപോളിറ്റൻ സ്റ്റാറ്റിസ്റ്റിക്കൽ ഏരിയയിൽ സ്ഥിതിചെയ്യുന്നു. ആകെ 34 സംയോജിത നഗരങ്ങൾ ഉൾപ്പെട്ടിരിക്കുന്ന ഈ കൌണ്ടിയിലെ ഏറ്റവും പുതിയ നഗരം 2001 ൽ സംയോജിപ്പിക്കപ്പെട്ട അലിസോ വിയേജോ ആണ്. ഈ പ്രദേശം അയൽ കൗണ്ടിയായ ലോസ് ആഞ്ചെലസ് കൗണ്ടിയുടെ ഭാഗമായിരുന്ന കാലത്ത് 1870 ൽ സംയോജിപ്പിക്കപ്പെട്ട അനഹൈം ആയിരുന്നു ഈ കൗണ്ടിയിലെ ആദ്യ സംയോജിത നഗരം.
Remove ads
അവലംബം
Wikiwand - on
Seamless Wikipedia browsing. On steroids.
Remove ads