മുളങ്കാടകം

കേരളത്തിൽ കൊല്ലം ജില്ലയിലുള്ള ഒരു പട്ടണമാണ് മുളങ്കാടകം. കൊല്ലം നഗരത്തിന്റെ വടക്കുഭാഗത്തായാണ് ഇത് സ്ഥിതിചെയ്യുന്നത്. കൊല്ലം കോർപ്പറേഷനു കീഴിലുള്ള ശക്തികുളങ്ങര സോണിലെ ഏഴാമത്തെ വാർഡാണിത്.^[1][2] മുളങ്കാടകം ദേവീക്ഷേത്രം, കേരള സർവകലാശാലയുടെ യൂണിവേഴ്സിറ്റി ഇൻസ്റ്റിറ്റ്യൂട്ട് ഓഫ് ടെക്നോളജി (യു.ഐ.ടി.) സെന്റർ എന്നിവയാണ് ഇവിടുത്തെ പ്രധാന കാഴ്ചകൾ.^[3][4]

മുളങ്കാടകം മുളംകാടകം
പട്ടണം
Mulangadakam
മുളങ്കാടകം കൊല്ലം ജില്ലയിലെ സ്ഥാനം
Coordinates: 8°53′46.6″N 76°33′59.34″E
രാജ്യം	ഇന്ത്യ
മേഖല	ദേശിങ്ങനാട്
സംസ്ഥാനം	കേരളം
ജില്ല	കൊല്ലം
ഭരണച്ചുമതല	കൊല്ലം കോർപ്പറേഷൻ
ഭാഷകൾ
• ഔദ്യോഗിക ഭാഷകൾ	മലയാളം
സമയമേഖല	UTC+5:30 (IST)
PIN	691 012
Telephone code	0474
വാഹന രജിസ്ട്രേഷൻ	KL-02
വെബ്സൈറ്റ്	Kollam Municipal Corporation

പ്രാധാന്യം

ദേശീയപാത 66 കടന്നുപോകുന്ന പ്രധാന സ്ഥലങ്ങളിലൊന്നാണ് മുളംകാടകം. തിരുമുല്ലവാരം പോസ്റ്റോഫീസിന്റെ പരിധിയിലാണ് ഈ പ്രദേശം ഉൾപ്പെടുന്നത്. കൊല്ലം നഗരത്തിലെ ഒരു പ്രധാന ജനവാസമേഖലയാണിത് നഗരത്തിലെ പ്രധാനപ്പെട്ട പൊതുശ്മശാനങ്ങളിലൊന്ന് മുളങ്കാടകത്തു പ്രവർത്തിക്കുന്നുണ്ട്.^[5]

കൊല്ലം നഗരത്തിലെ ഒരേയൊരു കേന്ദ്രീയ വിദ്യാലയം^[6][7][8] , മുളങ്കാടകം ഹയർ സെക്കന്ററി സ്കൂൾ എന്നിവയാണ് ഇവിടുത്തെ മറ്റ് വിദ്യാഭ്യാസ സ്ഥാപനങ്ങൾ. മുളങ്കാടകത്തിനു ചുറ്റും ധാരാളം ക്ഷേത്രങ്ങളും പള്ളികളുമുണ്ട്. കൊല്ലം കളക്ടറേറ്റ്, ആനന്ദവല്ലീശ്വരം ക്ഷേത്രം, തിരുമുല്ലവാരം കടൽത്തീരം, തോപ്പിൽ കടവ് ബോട്ട് യാർഡ് എന്നിവയാണ് സമീപത്തെ പ്രധാന സ്ഥലങ്ങൾ.

എത്തിച്ചേരുവാൻ

• കെ.എസ്.ആർ.ടി.സി. ബസ് സ്റ്റേഷൻ, കൊല്ലം - 2.6 കിലോമീറ്റർ
• കൊല്ലം റെയിൽവേസ്റ്റേഷൻ - 4.7 കി.മീ.
• കൊല്ലം തുറമുഖം - 2.3 കി.മീ.
• തിരുമുല്ലവാരം കടൽത്തീരം - 2.3 കി.മീ.
• കൊല്ലം കടൽപ്പുറം - 4 കി.മീ.
• പരവൂർ - 24.8 കി.മീ.