വെന്നിമല
From Wikipedia, the free encyclopedia
Remove ads
കേരളത്തിലെ കോട്ടയം ജില്ലയിലെ പുതുപ്പള്ളി ഗ്രാമപഞ്ചായത്തിൽ സ്ഥിതി ചെയ്യുന്ന ഒരു ചെറിയ ഗ്രാമമാണ് വെന്നിമല. [1] കോട്ടയം നഗരത്തിൽ നിന്നും 16 കിലോമീറ്റർ (9.9 മൈ) കിഴക്ക് ഭാഗത്താണ് ഈ പ്രദേശം.[2] പശ്ചിമ കേരളത്തിലെ പട്ടണങ്ങൾക്കും പശ്ചിമഘട്ട മലകൾക്കുമിടയിലാണ് ഇത് സ്ഥിതിചെയ്യുന്നത്. ഒരു കാലത്ത് ഇടതൂർന്ന വനമായിരുന്നു വെന്നിമല.
ഹിന്ദു പുരാണങ്ങളിലെ വിവരണമനുസരിച്ച്, ത്രേതായുഗത്തിൽ ശ്രീരാമനും ലക്ഷ്മണനും ഈ സ്ഥലം സന്ദർശിച്ചുവെന്നാണ് ഐതിഹ്യം. പ്രാദേശിക ഋഷിമാരെ ഭീഷണിപ്പെടുത്തി ഉപദ്രവിച്ച നിരവധി അസുരന്മാരെ ലക്ഷ്മണൻ വധിച്ചുവെന്നാണ് വിശ്വാസം. അസുരന്മാരുടെ മേൽ ലക്ഷ്മന്റെ വിജയം ആഘോഷിച്ച ഗ്രാമത്തിന് വിജയാദ്രി എന്ന് പേര് ലഭിച്ചുവെന്നും അത് വെന്നിമലയെന്ന പേരിന് കാരണമായെന്നും വിശ്വസിക്കുന്നു. [3] [4] [5]
Remove ads
ചരിത്രം
14-ആം നൂറ്റാണ്ടിൽ രചിക്കപ്പെട്ട ഉണ്ണുനീലി സന്ദേശത്തിൽ വെന്നിമലയേയും മണികണ്ഠപുരത്തേയും തെക്കുംകൂർ രാജവംശത്തിന്റെ, തലസ്ഥാനമായി വിവരിക്കുന്നുണ്ട്.[6] തെക്കുംകൂർ രാജാവിനെക്കുറിച്ചും രാജ്യത്തെ പുരോഗതികളെക്കുറിച്ചും കവിതയിൽ വിവരണമുണ്ട്. ഏകദേശം 1,000 വർഷം മുമ്പാണ് മനുഷ്യർ ഇവിടെ താമസമാക്കിയത് എന്ന് കരുതപ്പെടുന്നു.
വെന്നിമല ക്ഷേത്രം
ഈ കുന്നിൽമുകളിൽ, ഒരു ക്ഷേത്രമുണ്ട്. ഇത് ഭാസ്കരവർമ്മൻ നിർമ്മിച്ചതാണത്രേ. ഇപ്പോഴത്തെ ക്ഷേത്രത്തിന്റെ നിർമ്മിതി പിന്നീടുള്ളതാകാമെങ്കിലും ക്ഷേത്രത്തിന് ഏകദേശം 1,000 വർഷം പഴക്കമുണ്ടെന്ന് വിശ്വസിക്കപ്പെടുന്നു. പ്രധാന വിഗ്രഹം ലക്ഷ്മണ പെരുമാൾ ആണ്. ഈ ക്ഷേത്രത്തെ സംരക്ഷിത സ്മാരകമായി കേരള സർക്കാർ പ്രഖ്യാപിച്ചിച്ചിട്ടുണ്ട്. തെക്കുംകൂർ രാജവംശത്തിന്റെ പ്രാരംഭ ആസ്ഥാനമാണ് വെന്നിമല.[7]
Remove ads
ഷഡ്കാലഗോവിന്ദമാരാർ
വിഖ്യാത കർണ്ണാടകസംഗീതജ്ഞനായിരുന്നു ഷഡ്കാലഗോവിന്ദമാരാരുടെ ജന്മഗൃഹം വെന്നിമലയിലായിരുന്നു. ഗോവിന്ദമാരാരുടെ സ്മരണ നിലനിർത്തുന്നതിനായി ഇവിടെ ഒരു സ്മാരക മന്ദിരമുണ്ട്.
ചിത്രശാല
വെന്നിമല ശ്രീരാമലക്ഷ്മണ ക്ഷേത്രം
ക്ഷേത്രമുറ്റത്തെ ഇരട്ടക്കൊടിമരം
വെന്നിമല തീർത്ഥക്കുളം
വെന്നിമല രണ്ടാമത്തെ തീർത്ഥക്കുളം
കപിലമഹർഷി തപസ്സു ചെയ്തുവെന്ന് വിശ്വസിക്കുന്ന ഗുഹാമുഖം
കപിലമഹർഷി തപസ്സു ചെയ്തുവെന്ന് വിശ്വസിക്കുന്ന ഗുഹാമുഖം- അറിയിപ്പ്
ക്ഷേത്രാങ്കണത്തിലെ ഈഴച്ചെമ്പകം
ചുറ്റമ്പലത്തിലെ ദാരുശിൽപകല
പിതൃമണ്ഡപം
ഷഡ്കാല ഗോവിന്ദമാരാരുടെ ജന്മഗൃഹം
ഷഡ്കാല ഗോവിന്ദമാരാർ സ്മാരകം
വെണ്ണിമലയിലെ നൂറ്റാണ്ടുകൾക്ക് മുൻപുള്ള ചുമടുതാങ്ങി
Remove ads
അവലംബം
Wikiwand - on
Seamless Wikipedia browsing. On steroids.
Remove ads