മലപ്പുറം ജില്ലയിലെ നിലമ്പൂർ തലൂക്കിൽ കാളികാവ് ബ്ലോക്കിൽ കരുവാരക്കുണ്ട് ഗ്രാമപഞ്ചായത്തിലാണ് കരുവാരക്കുണ്ട് എന്ന അർദ്ധ നഗര പ്രദേശം. കരു എന്നാൽ ഇരുമ്പെന്നാണർത്ഥം. ഇരുമ്പ് ഖനനത്തിന്റെ പേരിൽ നൂറ്റാണ്ടുകൾക്ക് മുമ്പ് പ്രശസ്തമായ ഈ ഗ്രാമം ബ്രിട്ടീഷ് ഭരണ കാലത്ത് ദക്ഷിണേന്ത്യയിലെ ജംഷഡ്പൂർ എന്നറിയപ്പെട്ടു. പുതിയകാലത്ത് ടൂറിസ്റ്റ് ആകർഷണങ്ങളുടെയും വിദ്യാഭ്യാസ കേന്ദ്രങ്ങളുടെയും പേരിൽ പ്രശസ്തമാണ്.