കാർസൺ അമേരിക്കൻ ഐക്യനാടുകളിലെ സംസ്ഥാനമായ കാലിഫോർണിയിയിൽ ലോസ് ആഞ്ചലസ് കൌണ്ടിയിലുൾപ്പെട്ട ഒരു നഗരമാണ്. 2010 ലെ സെൻസസ് പ്രകാരം ഈ നഗത്തിലെ ജനസംഖ്യ 91,714 ആയിരുന്നു. ലോസ് ഏഞ്ചലസ് നഗരകേന്ദ്രത്തിൽ നിന്നു 13 മൈൽ തെക്കായും ലോസ് ആഞ്ചലസ് ഇന്റർനാഷണൽ എയർപോർട്ടിൽ നിന്ന് ഏകദേശം 14 മൈൽ അകലെയുമാണ് ഈ നഗരം സ്ഥിതി ചെയ്യുന്നത്. 1968 ഫിബ്രവരി 20 ന് സംയോജിപ്പിക്കപ്പെട്ടെ കാർസൺ, ലോസ് ആഞ്ചലസ് മെട്രോപൊളിറ്റൻ നഗരത്തിന്റെ തെക്കൻ ഉൾക്കടൽ പ്രദേശത്തെ ഏറ്റവും പ്രായം കുറഞ്ഞ മുനിസിപ്പാലിറ്റിയാണ്.