ടോറൻസ് അമേരിക്കൻ ഐക്യനാടുകളിലെ സംസ്ഥാനമായ കാലിഫോർണിയയിൽ ലോസ് ഏഞ്ചൽസ് കൗണ്ടിയുടെ തെക്കൻ ഉൾക്കടൽ മേഖലയിൽ (തെക്കുപടിഞ്ഞാറ്) സ്ഥിതി ചെയ്യുന്ന ഒരു നഗരമാണ്. ഈ നഗരത്തിന് 1.5 മൈൽ നീളത്തിൽ പസഫിക് സമുദ്രതീരമുണ്ട്. ഇളം ചൂടുള്ള താപനില, കടൽക്കാറ്റ്, കുറഞ്ഞ ആർദ്രത, 12.55 ഇഞ്ച് ശരാശരി വർഷിക മഴ എന്നിങ്ങനെയായി വർഷം മുഴുവൻ നിലനിൽക്കുന്ന മിതമായ കാലാവസ്ഥയാണ് ടോറൻസ് നഗരത്തിൽ അനുഭവപ്പെടാറുള്ളത്.