പാരമൗണ്ട്, അമേരിക്കൻ ഐക്യനാടുകളിലെ സംസ്ഥാനമായ കാലിഫോർണിയയിൽ ലോസ് ഏഞ്ചൽസ് കൗണ്ടിയിൽ സ്ഥിതിചെയ്യുന്ന ഒരു നഗരമാണ്. 2000 ലെ സെൻസസിലെ ജനസംഖ്യയായ 55,266 നിന്ന് 2010 ലെ സെൻസസിൽ ജനസംഖ്യ 54,098 ആയി കുറഞ്ഞിരുന്നു. പാരമൌണ്ട് നഗരം ഗ്രേറ്റർ ലോസ് ആഞ്ചലസ് മേഖലയുടെ ഭാഗമാണ്. ഈ നഗരത്തിൻറെ പടിഞ്ഞാറു വശത്ത് കോംപ്റ്റൺ, ലിൻവുഡ് എന്നീ നഗരങ്ങളും വടക്കു വശത്ത് സൌത്ത് ഗേറ്റ്, ഡോവ്‍നി എന്നീ നഗരങ്ങളും കിഴക്കും തെക്കും ബെൽഫ്ലവറും തെക്കു വശത്ത് ലോംഗ് ബീച്ചുമാണ് ഈ നഗരത്തിൻറെ അതിർത്തികൾ.