കേരളത്തിലെ കോട്ടയം ജില്ലയിലെ ഒരു ഗ്രാമമാണ് പെരുമ്പനച്ചി. ഈ ഗ്രാമം മാടപ്പള്ളി പഞ്ചായത്തിൻ്റെയും ചങ്ങനാശേരി താലൂക്കിൻ്റെയും കീഴിലുള്ള പ്രദേശമാണ്. കോട്ടയം ജില്ലയുടെയും പത്തനംതിട്ട ജില്ലയുടെയും അതിർത്തിയിലാണ് ഈ സ്ഥലം. ചങ്ങനാശ്ശേരിയിൽ നിന്ന് ഏകദേശം 6 കിലോമീറ്റർ ദൂരമുണ്ട് ഈ ഗ്രാമത്തിലേയ്ക്ക്. റബ്ബർ മരങ്ങളും നെൽവയലുകളും തെങ്ങുകളും കുരുമുളകും വിവിധയിനം ചെടികളും മരങ്ങളും ഇടകലർന്ന പച്ചപ്പുള്ള ഭൂപ്രകൃതിയാണ് ഇവിടെയുള്ളത്.