Микронезийн Холбооны Улс

Энэ хуудас нь бүрэн эрхт улсын тухай өгүүлнэ. газар зүйн бүс нутгийн тухай, "Микронези"-с харна уу.

Микронезийн Холбооны Улс (Англи: Federated States of Micronesia) нь баруунаас зүүн тийш Яп, Чуук, Понпей, Косраэ гэсэн дөрвөн улсаас бүрдсэн холбооны, арлын улс юм. Баруун Номхон далайгаар тархсан, ойролцоогоор 702 км² нутаг дэвсгэр бүхий 607 арал дээр оршдог.

Микронезийн Холбооны Улс Federated States of Micronesia (Англи)
Төрийн далбаа Сүлд
Уриа: "Peace, Unity, Liberty" "Энх тайван, эв нэгдэл, эрх чөлөө"
Төрийн дуулал: "Patriots of Micronesia" "Микронезийн эх орончид"
Нийслэл	Паликир 6°55′N 158°11′E
Томоохон town	Вэно[1]
Албан ёсны хэл	Англи хэл
Зөвшөөрөгдсөн нутгийн хэл	Чуук Косраэ Понпей Яп хэл
Угсаатны бүлгүүд (2000)	48.8% Чуук 24.2% Понпей 6.2% Косраэ 5.2% Яп 4.5% Бусад яп 1.8% Ази 1.5% Полинезичууд 6.4% Бусад 1.4% Мэдэгдээгүй
Шашин (2016)[2]	95.3% Христ —52.6% Католик —41.7% Протестант —1.0% Бусад урсгал 4.1% ардын шашин 0.6% Шашингүй / Бусад
Ард түмний нэршил	Микронезичууд
Төр засаг	Холбооны нам бус ардчилалтай тусгаар ассамблейн бүгд найрамдах улс
• Ерөнхийлөгч	Вэсли Симина
• Дэд Ерөнхийлөгч	Арен Палик
Хууль тогтоох байгууллага	Конгресс
Тусгаар тогтнол  (АНУ-аас)
• Бүгд найрамдах улс тунхагласан	5 сарын 10, 1979
• Чөлөөт холбооны гэрээ	11 сарын 3, 1986
Газар нутаг
• Нийт	702 км2 (177)
• Усны эзлэх талбай (%)	бага
Хүн ам
• 2019 тооцоо	104,468[3] (181)
• Нягтаршил	158.1/км2 (75)
ДНБ (ХАЧП)	2019 тооцоо
• Нийт	$367 сая
• Нэг хүнд ноогдох	$3,584[4]
ДНБ (нэрлэсэн)	2019 тооцоо
• Нийт	$383 сая
• Нэг хүнд ноогдох	$3,735[4]
ОТББИ (2013)	40.1[5] дундаж
ХХИ (2021)	▲ 0.628[6] дундаж · 134
Мөнгөний нэгж	Америк доллар (USD)
Цагийн бүс	UTC+10 - +11
Огнооны формат	өө/сс/жжжж
Жолооны тал	баруун
Утасны томьёо	+691
ISO 3166 код	FM
Домэйн нэр	.fm
Вэбсайт FSMGov.org
Төрийн болон хотын түвшинд хэрэглэгдэх бүс нутгийн хэл.

Тус улсын бүрэлдэхүүн дөрвөн улс нь бүгд нэг эсвэл хэд хэдэн гол галт уулын арлаа тойрон тогтсон атоллуудаас бүрэлдэнэ. Микронезийн Холбооны Улс нь Микронезийн бүс нутгийн Каролины арлуудад багтах арлууд дээр оршино.

Микронезийн Холбооны Улс нь Номхон далайн арлуудын итгэмжлэгдсэн нутаг дэвсгэр гэсэн нэрийн дор НҮБ-ээс Америкийн Нэгдсэн Улсын захиргаанд итгэмжлүүлсэн нутаг дэвсгэр байгаад 1979 оны 5 сарын 10-нд өөрийн засаг захиргаатай болж, улмаар 1986 оны 11 сарын 3-нд тусгаар тогтножээ.

Түүх

4000 орчим жилийн өмнөөс Микронезид хүн суурьшиж эхэлжээ. Анх бие даасан жижиг жижиг хэсгүүд байсан ч яваандаа Япад төвлөрсан, эдийн засаг, шашны эзэнт улс бий болсон аж.

Сувгуудын сүлжээгээр холбогдсон хиймэл арлуудаас тогтох Нан Мадолыг Номхон далайн Венец гэх нь бий. Понпейн арлын ойролцоо орших тус газар нь Понпейн 25,000 орчим хүн амыг нэгтгэн, МЭӨ 500 оноос 1500 он хүртэл буюу төвлөрсөн систем задрах хүртэл захирсан Сауделеур династийн улс төр, ёслол хүндэтгэлийн төв болон ашиглагддаг байв.

Европын аялагчдаас анх португалчууд Халуун Ногооны арлуудыг хайх замдаа нээж, дараа нь испаинчууд 16 зууны үед Каролины арлуудад хүрч, хяналтаа тогтоосон ч 1899 онд Германд заржээ. 1914 онд Японд эзлэгдэж, Дэлхийн хоёрдугаар дайны үед Америкчуудын хяналтад орсон тус бүс нутаг дайны дараа 1947 онд НҮБ-ын хяналт дор АНУ-ын Номхон далайн арлуудын итгэмжлэгдсэн нутаг дэвсгэр гэгдэх болжээ.

Дэлхийн хоёрдугаар дайны үеэр Японы усан флот Трак Лагонд байрлаж байсан ба тус дайны тэнгисийн чухал тулаануудын нэг болох Хэйлстон ажиллагааны үеэр Японы маш олон усан онгоц, нисэх онгоц сүйрчээ.

1979 оны 5 сарын 5-нд Номхон далайн арлуудын итгэмжлэгдсэн нутаг дэвсгэр шинэ үндсэн хуультай болж, Микронезийн Холбооны Улс бий болоход Палау, Маршаллын арлууд, Хойд Марианы арлууд оролцоогүй аж. Улмаар АНУ-тай "Чөлөөт холбооны гэрээ" байгуулж, тэр нь 1986 оны 11 сарын 3-нд хүчин төгөлдөр болсноор албан ёсоор тусгаар тогтносон бөгөөд уг гэрээг 2004 онд шинэчилжээ.

Засаг захиргааны хуваарь

Микронезийн Холбооны Улсын газрын зураг

Холбооны бүрэлдэхүүн дөрвөн улс:

Далбаа	Улс	Нийслэл	Захирагч	Газар нутаг		Хүн ам[7]	Нягтшил
				км²[8]	квадрат миль		км² тутамд[7]	кв. миль тутамд
	Чуук	Вэно	Вэсли Симина	127	49.2	54,595	420	1088
	Косраэ	Тофол	Линдон Жэксон	110	42.6	9,686	66	170
	Понпей	Колониа	Жон Эса	345	133.2	34,685	98	255
	Яп	Колониа	Себастьян Анефал	118	45.6	16,436	94	243

Газар зүй

Микронезийн Холбооны Улс нь Филиппиний зүүн талд орших Каролины арлуудын, 2900 км бүст сунан тогтсон 607 гаруй арал дээр оршино. Дөрвөн арлын бүлгээс тогтоно: Яп, Чуук (1990 оны 1 сар хүртэл Трак), Понпей (1984 оны 11 сар хүртэл Понапе), Косраэ (хуучнаар Кусайэ). Эдгээр нь тус Холбооны Улсын далбаан дээр дөрвөн одоор төлөөлөгддөг.

Албан ёсны долоон хэлтэй: англи, улит, волеай, яп, понпей, косраэ, чуук.

Зам тээвэр

Микронезийн Холбооны Улс нь олон улсын нисэх онгоцны дөрвөн буудалтай:

• Понпейн олон улсын нисэх онгоцны буудал
• Чуукийн олон улсын нисэх онгоцны буудал
• Косраэгийн олон улсын нисэх онгоцны буудал
• Япын олон улсын нисэх онгоцны буудал