अमरावती

अमरावती (मूळ नाव उमरावती) हे भारतातील महाराष्ट्राच्या विदर्भ प्रदेशातील एक शहर आहे. अमरावतीला विदर्भाची सांस्कृतिक राजधानी म्हणून ओळखले जाते. शैक्षणिकदृष्ट्या अमरावतीला विदर्भातील शिक्षणाचे माहेरघर ही संबोधले जाते. विदर्भामध्ये प्रशासनाच्या दृष्टीने दोन उपविभाग केले आहेत ते म्हणजे नागपूर आणि अमरावती. त्यांपैकी अमरावती उपविभागामध्ये अकोला, अमरावती, यवतमाळ, बुलढाणा व वाशीम हे ५ जिल्हे येतात. अमरावती शहर हे महाराष्ट्रातील दाट लोकवस्ती असलेल्या महानगरक्षेत्रांमध्ये सातव्या क्रमांकावर येते. हे शहर अमरावती जिल्ह्याचे व विभागाचे प्रशासकीय मुख्यालय आहे. शहरात ऐतिहासिक अशी अंबा व श्रीकृष्ण यांची मंदिरे आहेत.

हा लेख अमरावती शहराविषयी आहे. अमरावती जिल्ह्याच्या माहितीसाठी येथे टिचकी द्या

---

?अमरावती महाराष्ट्र • भारत
टोपणनाव: अंबानगरी
—  शहर  —
प्रमाणवेळ	भाप्रवे (यूटीसी+५:३०)
क्षेत्रफळ • उंची	८५.१४ चौ. किमी • ६५६.५४ मी
जिल्हा	अमरावती
लोकसंख्या • घनता लिंग गुणोत्तर	६,४६,८०१[१] (२०११) • ७,५९७/किमी२ ९५७ ♂/♀
कोड • दूरध्वनी • आरटीओ कोड	• +०७२१ • MH-27
Empty citation (सहाय्य)

१९८३मध्ये स्थापन अमरावती महानगरपालिका, ही खाजगी जकात म्हणून ओळख असलेली भारतातील पहिली व एकमेव? महानगरपालिका आहे. २०११ च्या जनगणनेनुसार शहराची लोकसंख्या ६,४६,८०१ इतकी आहे. त्यापैकी ३,३०,५४४ पुरुष व ३,१६,२५७ महिला आहेत. अमरावती शहरातील लिंग गुणोत्तर १०००:९५७ आहे.