![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3c/Great_Synagogue_Plzen_CZ.jpg/640px-Great_Synagogue_Plzen_CZ.jpg&w=640&q=50)
Judaísmo
From Wikipedia, the free encyclopedia
Modelo:UnicodeArabe Modelo:Judaísmo Judaísmo (an heibraico יהדות, transl. Yahadút) ye l nome dado a la religion de l pobo judiu, la más antiga de las trés percipales religiones monoteístas (las outras dues son l crestianismo i l eislamismo) .
Surgido de la religion mosaica, l judaísmo, apesar de sues ramificaçones, defende un cunjunto de doutrinas que l çtingue de outras religiones: la crença monoteísta an YHWH (a las bezes chamado Adonai ("Miu Senhor"), ó inda HaShen ("L Nome") - ber Nomes de Dius ne l Judaísmo) cumo criador i Dius i la eileiçon de Eisrael cumo pobo scolhido para recebir la rebelaçon de la Torá que serien ls mandamientos deste Dius. Drento de la bison judaica de l mundo, Dius ye un criador atibo ne l ouniberso i que anfluencia la sociadade houmana, na qual l judiu ye aquel que pertence a ua lhinhaige cun un pato eiterno cun este Dius.
Hai dibersas tradiçones i doutrinas drento de l judaísmo, criadas i zambolbidas cunforme l tiempo i ls eibentos stóricos subre la quemunidade judaica, ls quales son seguidos an maior ó an menor grau pulas dibersas ramificaçones judaicas cunforme sue anterpretaçon de l judaísmo. Antre las más coincidas ancontra-se l uso de oubjetos religiosos cumo l quipá, questumes alimentares i culturales cumo cashrut, brit milá i peiot ó l uso de l heibraico cumo lhéngua lhitúrgica.
Al cuntrário de l que puoda parecer, un judiu nun percisa seguir necessariamente l judaísmo inda que l judaísmo solo puoda ser necessariamente praticado por judius. Hoije l judaísmo ye praticado por cerca de quinze milhones de pessonas an to l mundo (2006).[sin fuontes?] De la miesma forma, l judaísmo nun ye ua religion de cumberson, efetibamente respeita la pluralidade religiosa zde que tal nun benga a ferir ls mandamientos de l judaísmo. Alguns ramos de l judaísmo defénden que ne l período messiánico todos ls pobos reconhecírun YHWH cumo único Dius i submetir-se-an a la Torá.
![Thumb image](http://upload.wikimedia.org/wikipedia/commons/thumb/3/3c/Great_Synagogue_Plzen_CZ.jpg/640px-Great_Synagogue_Plzen_CZ.jpg)