ကွန်ပျူတာတက္ကသိုလ်(ဘားအံ)

ကွန်ပျူတာတက္ကသိုလ်(ဘားအံ)သည် ကရင်ပြည်နယ်၊ ဘားအံမြို့မှ (၅)မိုင်ခန့်အကွာ၊ ဘားကပ်စံပြ ကျေးရွာအနီးတွင် တည်ရှိပြီး စုစုပေါင်းဧရိယာ အကျယ်အဝန်းမှာ (၄၁.၃၃)ဧက ဖြစ်သည်။^[၁] သိပ္ပံနှင့် နည်းပညာ ဝန်ကြီးဌာန၊ အဆင့်မြင့်သိပ္ပံနှင့် နည်းပညာဦးစီးဌာန လက်အောက်ရှိ နိုင်ငံပိုင်တက္ကသိုလ်တစ်ခု ဖြစ်သည်။

ကွန်ပျူတာတက္ကသိုလ် (ဘားအံ)

ဆောင်ပုဒ်	မြန်မှန်တွက်ချက် တိုင်းပြည်တွက်
အမျိုးအစား	အများဆိုင်
တည်ထောင်	စက်တင်ဘာ ၂၀၀၁၊ ၃; ၂၃ နှစ် အကြာက (၃-၀၉-2001)
ပါမောက္ခချုပ်	ဒေါက်တာငြိမ်းအေး
တည်နေရာ	ဘားအံမြို့, ကရင်ပြည်နယ်, မြန်မာနိုင်ငံ
ပရဝုဏ်	၄၁.၃၃ ဧက
ဝဘ်ဆိုဒ်	cuhpn.moe-st.gov.mm

သမိုင်းကြောင်း

၂၀၀၁ ခုနှစ် စက်တင်ဘာလ ၃ ရက်နေ့တွင် အစိုးရကွန်ပျူတာကောလိပ် အဖြစ် စတင်ဖွင့်လှစ်ခဲ့ပြီး ၂၀၀၇ ခုနှစ် ဇန်နဝါရီလ ၂၀ ရက်နေ့တွင် ကွန်ပျူတာတက္ကသိုလ်(ဘားအံ) အဖြစ် အဆင့်မြှင့်တင်ခဲ့သည်။

သင်တန်းများ

ကွန်ပျူတာတက္ကသိုလ်(ဘားအံ)မှ ဖွင့်လှစ်သင်ကြား ပို့ချလျက်ရှိသော သင်တန်းများမှာ အောက်ပါအတိုင်း ဖြစ်သည်။^[၁]

• ပထမနှစ် ကွန်ပျူတာသိပ္ပံနှင့်နည်းပညာ
• ဒုတိယနှစ် ကွန်ပျူတာသိပ္ပံ
• ဒုတိယနှစ် ကွန်ပျူတာနည်းပညာ
• တတိယနှစ် ကွန်ပျူတာသိပ္ပံ
• တတိယနှစ် ကွန်ပျူတာနည်းပညာ

ပေးအပ်ချီးမြှင့်သောဘွဲ့များ

ကွန်ပျူတာတက္ကသိုလ်(ဘားအံ)မှ ပေးအပ်ချီးမြှင့်သော ဘွဲ့ဒီဂရီများနှင့် အသိအမှတ်ပြုလက်မှတ်များမှာ အောက်ပါအတိုင်း ဖြစ်သည်။^[၁]

• ကွန်ပျူတာသိပ္ပံဘွဲ့ B.C.Sc
• ကွန်ပျူတာနည်းပညာဘွဲ့ B.C.Tech
• ကွန်ပျူတာသိပ္ပံဂုဏ်ထူးဘွဲ့ B.C.Sc(Hons:)
• ကွန်ပျူတာနည်းပညာဂုဏ်ထူးဘွဲ့ B.C.Tech(Hons:)
• အချိန်ပိုင်းနည်းပညာဒီပလိုမာ