ဆင်ပေါင်ဝဲမြို့နယ်

ဆင်ပေါင်ဝဲမြို့နယ် သည် မြန်မာနိုင်ငံ၊ မကွေးတိုင်းဒေသကြီး၊ အောင်လံခရိုင်တွင် ပါဝင်သည့် မြို့နယ်တစ်ခုဖြစ်သည်။ မြို့နယ်ရုံးစိုက်ရာမြို့မှာ ဆင်ပေါင်ဝဲမြို့ ဖြစ်သည်။ ပဲခူးရိုးမတောင်တန်း၏ တောင်ခြေ၊ ဧရာဝတီမြစ်၏ အရှေ့ဘက်နှင့်အနောက်ဘက်မြစ်ကိုခွလျက် တည်ရှိသည်။

ဆင်ပေါင်ဝဲမြို့နယ်
မြို့နယ်
အောင်လံခရိုင်အတွင်းတည်​နေရာ (အနီ)
ဆင်ပေါင်ဝဲမြို့နယ် ဆင်ပေါင်ဝဲမြို့နယ် တည်နေရာ
ကိုဩဒိနိတ်: 19°33′N 95°23′E
နိုင်ငံ	မြန်မာ
တိုင်းဒေသကြီး	မကွေး
ခရိုင်	​အောင်လံ
မြို့နယ်ရုံးစိုက်ရာမြို့	ဆင်ပေါင်ဝဲမြို့
လူဦးရေ (၂၀၁၄)	၁၁၇,၈၄၄[၁]
အချိန်ဇုန်	မြန်မာစံတော်ချိန် (UTC+6.30)

သမိုင်းကြောင်း

ဆင်ပေါင်ဝဲမြို့နယ်ကို မြေထဲမြို့နယ် (ယခု အောင်လံမြို့နယ်)၏ အစိတ်အပိုင်းတစ်ခုအဖြစ် ယခင်က မြေထဲကျန်ဟု ခေါ်တွင်ခဲ့သည်။^[၂] ၂၀၀၈ ခုနှစ် တက္ကသိုလ်ဝင်တန်း စာမေးပွဲတွင် ဆင်ပေါင်ဝဲမြို့နယ်မှ ကျောင်းသားတစ်ဦးဖြစ်သူ ထူးဇော်နိုင်သည် ဆင်ပေါင်ဝဲမြို့နယ်တွင် ငါးဘာသာဂုဏ်ထူးဖြင့် အောင်မြင်ခဲ့သော ပထမဆုံးကျောင်းသား ဖြစ်လာခဲ့သည်။^[၃]

ထိစပ်လျက်ရှိသော နယ်နမိတ်များ

ဆင်ပေါင်ဝဲမြို့နယ်သည် အောက်ပါမြို့နယ်များနှင့် နယ်နမိတ် ထိစပ်လျက်ရှိသည်။^[၄]

• မြောက်ဘက်တွင် မကွေးမြို့နယ်၊
• မြောက်ဘက်နှင့် အရှေ့မြောက်ဘက်တွင် တောင်တွင်းကြီးမြို့နယ်၊
• အရှေ့ဘက်တွင် နေပြည်တော် ပြည်ထောင်စုနယ်မြေ၏ လယ်ဝေးမြို့နယ်၊
• တောင်ဘက်တွင် အောင်လံမြို့နယ်၊
• အနောက်တောင်ဘက်တွင် သရက်မြို့နယ်
• အနောက်ဘက်နှင့် အနောက်မြောက်ဘက်တွင် မင်းလှမြို့နယ်။

စီးပွားရေး

မြေပဲနှင့်နှမ်းစိုက်ပျိုးရေးသည် မြို့နယ်၏ အဓိကစီးပွားရေးလုပ်ငန်း ဖြစ်သည်။