ပိုးကရင်ဘာသာစကားများ

ပိုးကရင်ဘာသာစကားများ သည် ကရင်ဘာသာစကားများရှိ ဒုတိယအကြီးဆုံး အုပ်စုဖြစ်သည်။ ဘာသာစကား လေးမျိုးသည် အပြန်အလှန် မဖြစ်စလောက်သာ နားလည်နိုင်ကြသည်။

• အရှေ့ပိုး၊ အနောက်ပိုး၊ မြောက်ပိုး၊ အရှေ့မြောက်ပိုး (Phrae Pwo)

ပိုး
Phlou
လူမျိုး:	ကရင်လူမျိုး
ဒေသအလိုက် ပျံ့နှံ့မှု:	မြန်မာနိုင်ငံ၊ နှင့် ထိုင်းနိုင်ငံနယ်စပ်တလျောက်
ခွဲခြားမှု:	တရုတ်-တိဗက်နွယ် (တိဗက်-ဗမာနွယ်) ကရင်ဘာသာစကားများ ပိုး
Glottolog:	pwoo1239[၁]

အဆိုပါ ဘာသာစကားများကို ပြောဆိုအသုံးပြုကြသူများကို အမည်အမျိုးမျိုးဖြင့် ခေါ်ဝေါ်ကြပြီး ထင်ရှားသောအမည်မှာ "ပိုးကရင်" ဖြစ်သည်။ ပိုးကရင်လူမျိုးများသည် မြန်မာနိုင်ငံ အရှေ့ပိုင်းတွင် ရာစုနှစ်များစွာကတည်းက နေထိုင်ခဲ့ကြပြီး ထိုင်းနိုင်ငံ မြောက်ပိုင်းနှင့် အနောက်ပိုင်းတွင် နေထိုင်လာခဲ့ကြသည်မှာ ရာစုနှစ် ခုနစ်ခု ရှစ်ခုခန့် အနည်းဆုံး ရှိပြီဖြစ်သည်။ "ဖလုံ" (Phlou [pʰlou̯]) သို့မဟုတ် "ကဖလုံ" (Ka Phlou [ka pʰlou̯]) ဟု ခေါ်ကြပြီး အဓိပ္ပာယ်မှာ ကရင် သို့မဟုတ် လူများ ဟု အဓိပ္ပာယ်ရသည်။