ဗီရွန်းဂါ အမျိုးသားဥယျာဉ်

ဗီရွန်းဂါ အမျိုးသား ဥယျာဉ်အား ယခင်က အဲလ်ဘတ်အမျိုးသား ဥယျာဉ်ဟု ခေါ်ဆိုခဲ့ကြပြီး ၃,၀၀၀ စတုရန်းမိုင် (၇,၈၀၀ စတုရန်း ကီလိုမီတာ) မျှ ကျယ်ဝန်းသော အမျိုးသား ဥယျာဉ် ဖြစ်ကာ ကွန်ဂိုဒီမိုကရက်တစ် သမ္မတနိုင်ငံ၏ အရှေ့ဘက်ပိုင်း တောင်ဘက် ဗီရွန်းဂါ တောင်တန်းများ ဆီမှ မြောက်ဘက် ရိုဝန်ဇိုရီ တောင်တန်း အထိ ဖြန့်ကျက် တည်ရှိသည်။ ရဝမ်ဒါနိုင်ငံ ရှိ ဗော်လ်ကေးနိုး အမျိုးသားဥယျာဉ် နှင့် ယူဂန်းဒါးနိုင်ငံ ရိုဝန်ဇိုရီတောင်တန်း အမျိုးသား ဥယျာဉ် နှင့် အဲလိဇဘက်ဘုရင်မ အမျိုးသား ဥယျာဉ်တို့နှင့် ဆက်စပ်တည်ရှိသည်။

ဗီရွန်းဂါ အမျိုးသားဥယျာဉ်
IUCN category II (အမျိုးသားဥယျာဉ်)
ကွန်ဂို တောင်ပေါ် ဂေါ်ရီလား မျောက်ဝံများ၏ နေထိုင်ရာ မီကဲနို တောင်တန်းများ၏ အခြေတွင် ရှိသော ဘူကီးမား စခန်း
တည်နေရာ	ကွန်ဂိုဒီမိုကရက်တစ်သမ္မတနိုင်ငံ
အနီးဆုံး မြို့	ဂိုမာမြို့
ကိုဩဒိနိတ်	0°55′S 29°10′E
ဧရိယာ	၇,၈၀၀ km2 (၃,၀၀၀ sq mi)
ဖွဲ့စည်း	၁၉၂၅
အုပ်ချုပ်ရေး	ကွန်ဂို သဘာဝ ပတ်ဝန်းကျင် ထိန်းသိမ်းရေး အင်စတီကျု

ဗီရွန်းဂါ အမျိုးသားဥယျာဉ်*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ	ကွန်ဂိုဒီမိုကရက်တစ်သမ္မတ
အမျိုးအစား	သဘာဝ
ရွေးချယ်သည့်စံနှုန်း	vii, viii, x
ကိုးကား	၆၃
ဒေသ**	အာဖရိက
သတ်မှတ်ခြင်း မှတ်တမ်း
စတင်သတ်မှတ်ခြင်း	၁၉၇၉  (တတိယအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ

ထိုဥယျာဉ်အား ၁၉၂၅ ခုနှစ်တွင် အာဖရိက၏ ပထမဆုံး အမျိုးသား ဥယျာဉ် အဖြစ် စတင် တည်ထောင်ခဲ့ပြီး ၁၉၇၉ ခုနှစ်မှစ၍ ယူနက်စကို၏ ကမ္ဘာ့အမွေအနှစ်နေရာ တစ်ခု ဖြစ်လာခဲ့သည်။ လတ်တလော နှစ်များ အတွင်း တရားမဝင် အမဲလိုက် သတ်ဖြတ်မှုများ နှင့် ကွန်ဂိုပြည်တွင်းစစ်တို့ကြောင့် တောရိုင်းတိရစ္ဆာန် အများအပြား ဆုံးရှုံးသေကြေ ပျက်စီးခဲ့ရသည်။