မဟာအောင်မြေမြို့နယ်
မြန်မာနိုင်ငံ၊ မန္တလေးမြို့ရှိ မြို့နယ် From Wikipedia, the free encyclopedia
Remove ads
မဟာအောင်မြေမြို့နယ် သည် မန္တလေးမြို့လယ်၏ တောင်ဘက်ပိုင်းတွင် တည်ရှိပြီး လူနေထူထပ်သည့် မြို့နယ်တစ်ခုဖြစ်သည်။ မဟာအောင်မြေခရိုင်၏ ရုံးစိုက်ရာ မြို့နယ်လည်းဖြစ်သည်။ အနောက်ဘက်တွင် ဧရာဝတီမြစ်၊ တောင်ဘက်တွင် ချမ်းမြသာစည်မြို့နယ်၊ မြောက်ဘက်တွင် ချမ်းအေးသာဇံမြို့နယ် တို့က ဝန်းရံလျက်ရှိသည်။ မန္တလေးတက္ကသိုလ်သည် ဤမဟာအောင်မြေမြို့နယ်တွင် တည်ရှိသည်။၂၀၁၄တွင် လူဦးရေ ၂၄၁,၁၁၃ ရှိသည်။[၃]
Remove ads
သမိုင်းကြောင်း
၁၉၆၂ခုနှစ် မေလ၉ရက်နေ့မှစ၍ ဗဟို၊တိုင်း၊ခရိုင်၊မြို့နယ်နှင့် ရပ်ကွက် လုံခြုံရေးနှင့်အုပ်ချုပ်ရေးကော်မတီများ အဆင့်ဆင့်ဖွဲ့စည်းခဲ့ပြီး ဤမြို့နယ်ကို အမှတ်(၃)နယ်မြေအဖြစ် သတ်မှတ်ခဲ့သည်။၂၉.၆.၁၉၆၈တွင် မန္တလေးမြို့၏ ဖွဲ့စည်းပုံပြောင်းလဲမှုအရ အရှေ့တောင်မြို့နယ်အဖြစ် အမည်ပြောင်းလဲခဲ့သည်။၁၉၉၂ခုနှစ် ဖွဲ့စည်းပုံပြောင်းလဲမှုတွင် မဟာအောင်မြေမြို့နယ်ဖြစ်လာခဲ့သည်။[၄]
ပထဝီဝင်အနေအထား
မြောက်လတ္တီတွဒ် ၂၁ဒီဂရီ ၅၇မိနစ်နှင့် ၂၁ဒီဂရီ ၅၈မိနစ် အကြား၊ အရှေ့လောင်ဂျီတွဒ် ၉၆ဒီဂရီ ၀၃မိနစ်နှင့် ၉၆ဒီဂရီ ၀၄မိနစ်အကြားတွင် တည်ရှိသည်။ အရှေ့မှ အနောက်သို့ ၅.၄မိုင်၊ တောင်မှမြောက်သို့ ၁.၆မိုင်ရှိပြီး ၅.၇၂စတုရန်းမိုင် ကျယ်ဝန်းသည်။[၄]
နယ်နိမိတ်
မဟာအောင်မြေမြို့နယ်၏ အရှေ့ဘက်တွင် ပုသိမ်ကြီးမြို့နယ်၊တောင်ဘက်တွင် ချမ်းမြသာစည်မြို့နယ်၊အနောက်ဘက်တွင် ဧရာဝတီမြစ်ခြားကာ စစ်ကိုင်းမြို့နယ်နှင့် မြောက်ဘက်တွင် ချမ်းအေးသာစံမြို့နယ်တို့ တည်ရှိသည်။
မြေမျက်နှာသွင်ပြင်
ပင်လယ်ရေမြေနှာပြင်အထက် ပျမ်းမျှ၂၅၀ပေအထက်တွင်တည်ရှိကာ မြေပြန့်လွင်ပြင်သည်။ မြို့နယ်၏ အနောက်ဘက်တွင် ဧရာဝတီမြစ်က မြောက်မှ တောင်သို့ စီးဆင်းနေသည်။ မြို့နယ်အတွင်းတွင် မဟာနဒီချောင်း၊ရေနီမြောင်း၊ရွှေတချောင်း၊ငွေတချောင်း၊သင်္ဂဇာချောင်းတို့မှ မြောက်မှတောင်သို့ စီးဆင်းနေကာ ကိုလံဘိုချောင်းမှာ အရှေ့မှ အနောက်သို့ စီးဆင်းနေသည်။
Remove ads
လူဦးရေ
မဟာအောင်မြေမြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ဗမာလူမျိုးများ အများဆုံးနေထိုင်ကြသည်။ ထို့နောက် ရှမ်း၊ကချင်၊ရခိုင်၊ကရင်၊ချင်း၊မွန်၊ကယား လူမျိုးများ အစဉ်လိုက်များပြားစွာနေကြသည်။ ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ အစ္စလာမ်၊ဟိန္ဒူ၊ခရစ်ယာန် ကိုးကွယ်သူဦးရေမှာ အစဉ်လိုက်များပြားသည်။ မြို့နယ်လူဦးရေ၏ ၀.၀၉၉%မှာ အခြားသော နိုင်ငံခြားလူမျိုးနွယ်ဝင်များဖြစ်သည့် တရုတ်၊အိန္ဒိယ၊ပါကစ္စတန် စသည့်လူမျိုးများဖြစ်သည်။
စီးပွားရေး
မန္တလေးမြို့သည် စီးပွားရေးအချက်အချာကျသော နေရာဖြစ်သည့် အားလျော်စွာ မြို့နယ်များသည်လည်း စီးပွားရေးဖွံ့ဖြိုးသည်။ထို့အပြင် မဟာအောင်မြေမြို့နယ်မှာ မန္တလေးမြို့၏ မြို့လယ်ခေါင်ကျသောမြို့နယ်ဖြစ်ကာ မြို့နယ်အတွင်းနေထိုင်သူများသည် အများအားဖြင့် ပြည်သူ့ဝန်ဆောင်မှုလုပ်ငန်းကို လုပ်ကိုင်ကြသည်။ ရွှေဆိုင်းလုပ်ငန်းနှင့် ဖိနပ်လုပ်ငန်းမှာ မြို့နယ်၏ ထင်ရှားလှသော လုပ်ငန်းများဖြစ်သည်။ နိုင်ငံတော်ပိုင် ရတနာပုံသင်္ဘောကျင်းနှင့် ဖယောင်းတိုင်စက်ရုံတို့ တည်ရှိသည်။[၄]
ဈေးများ
- မန်းမြို့ဈေး
- ဘုရားကြီးဈေး
- မန်းရတနာဈေး
- စိန်ပန်းဈေး
- မဟာမြိုင်ဈေး
- ညောင်ပင်လေးဈေး
- ၄၁လမ်း ကုန်စိမ်းညဈေး
- ၄၂လမ်း ကုန်းကျော်ဈေး
Remove ads
ပို့ဆောင်ဆက်သွယ်ရေး
မဟာအောင်မြေမြို့နယ်၏ အနောက်ဘက်အဆုံးတွင် သမိုင်းဝင်ဂေါဝိန်ဆိပ်ကမ်းတည်ရှိသည်။ ထိုနေရာမှ ဗန်းမော်၊ကသာ၊ညောင်ဦးနှင့် ပြည်မြို့များသို့ ရေကြောင်းခရီးများရှိသည်။ ပြည်ကြီးမြတ်ရှင်ကားကြီးကွင်မှနေ၍ မန္တလေးမြို့မှ ရှမ်းပြည်နယ်မြောက်ပိုင်းမြို့များဖြစ်သည့် သီပေါ၊ကျောက်မဲ၊လားရှိုး၊မူဆယ် စသည်တို့သို့ သွားနိုင်သည်။
ပညာရေး
အဆင့်မြင့်ပညာ
အထက်မြန်မာပြည်၏ အကြီးဆုံးဖြစ်သော မန္တလေးတက္ကသိုလ် တည်ရှိသည်။
အခြေခံပညာ
အထက
အထက်တန်းကျောင်း ၃ကျောင်းရှိသည်။
- အထက ၃
- အထက ၁၃
- အထက ၂၄
အထက(ခွဲ)/အလက
- အလက (ထ(ခွဲ)) ၂
- အလက (ထ(ခွဲ)) ၈
- အလက (ထ(ခွဲ)) ၁၂
- အလက ၂၈
အမက
မူလတန်း၊မူလွန်၊အလယ်တန်း(ခွဲ) ၃၇ကျောင်းရှိသည်။
ကျန်းမာရေး
ဆေးရုံများ
- တက္ကသိုလ်ဆေးရုံ
ထင်ရှားသောနေရာများ
ဘာသာရေး
- ပေါ်တော်မူဘုရား (၅)ဆူ
- မဟာမြိုင်ကျောင်းတိုက်
- မြတောင်ကျောင်းတိုက်
- ဒဟတ္တောကျောင်းတိုက်
- မဟာဝိသုဒ္ဓါရုံကျောင်းတိုက်
- မစိုးရိမ်ကျောင်းတိုက်
- ဗန်းမော်ကျောင်းတိုက်
- မစိုးရိမ်တိုက်သစ်
- ဒုတိယရွှေအင်ပင်ကျောင်း
- ကင်းဝန်မင်းကြီးကျောင်းတိုက်
- ခရစ်ယာန်ဘုရားကျောင်း (မဟာမြိုင်၂)
ပညာရေး
- မန္တလေးတက္ကသိုလ်
- တက္ကသိုလ် လေ့ကျင့်ရေးတပ်
ကိုးကား
Wikiwand - on
Seamless Wikipedia browsing. On steroids.
Remove ads