အီသီယိုးပီးယား ဝံပုလွေ

အီသီယိုးပီးယား ဝံပုလွေ (Ethiopian wolf ) သိပ္ပံအမည် (Canis simensis) သည် အာဖရိကတွင် ကျင်လည်ကျက်စားသော ခွေးမျိုးရင်းဝင် သတ္တဝါ ဖြစ်သည်။ အင်္ဂလိပ်ဘာသာတွင် Abyssinian wolf ၊ Abyssinian fox၊ red jackal၊ Simien fox၊ Simien jackal စသည်ဖြင့် အမည်အမျိုးမျိုး ခေါ်ကြသည်။ မြေခွေးနှင့် နှိုင်းယှဉ်လျှင် ဝံပုလွေနှင့် ပို၍ ဆင်တူသည်ဟု ယူဆကြသည်။ အီသီယိုးပီးယား ဝံပုလွေများကို အမြင့်ပေ ၉၈၀၀ ကျော် (၃၀၀၀ မီတာကျော်) အီသီယိုးပီးယားနိုင်ငံရှိ အာဖရိကအယ်လ်ပ် တောင်တန်း ဒေသများတွင် တွေ့ရတတ်သည်။ ဂေဟစနစ်အတွင်း အမဲလိုက်သည့် သတ္တဝါများတွင် ထိပ်ဆုံးနေရာမှ ရှိသည်။ ထို သတ္တဝါသည် မျိုးသုဉ်းပျောက်ကွယ်ရန် အစိုးရိမ်ရဆုံး အခြေအနေတွင် ရှိ၍ အုပ်စု ၇ စုသာကျန်ပြီး ကောင်ရေ ၅၅၀ ခန့်သာ ကျန်ရှိတော့သည်။ အများဆုံးအကောင် အစုအဝေးကို အီသီယိုးပီးယားနိုင်ငံ တောင်ပိုင်း ဘာလေးတောင်တန်း ဒေသတွင် တွေ့ရပြီး နိုင်ငံမြောက်ပိုင်း ဆီမီယန်းတောင်တန်း ဒေသများတွင်လည်း အချို့ကို တွေ့ရကာ အခြားနေရာများတွင် အနည်းငယ်သာ ရှိသည်။ ဘာလေးတောင်တန်း အမျိုးသားဥယျာဉ်တွင် ကောင်ရေ ၄၄၀ ရှိရာမှ ၁၉၉၀ ခွေးရူးရောဂါ ပျံ့နှံ့မှုကြောင့် ၂ ပတ်အတွင်း ကောင်ရေ ၁၆၀ သာ ကျန်ရှိတော့သည်။

Ethiopian wolf Temporal range: Late Pleistocene – Recent
Ethiopian wolf on the Sanetti Plateau
ထိန်းသိမ်းစောင့်ရှောက်ရေး အဆင့်အတန်း
မျိုးသုဉ်းရန် အန္တရာယ်ရှိ  (IUCN 3.1)[၁]
မျိုးရိုးခွဲခြားခြင်း
လောက:	Animalia
မျိုးပေါင်းစု:	Chordata
မျိုးပေါင်း:	Mammalia
မျိုးစဉ်:	Carnivora
မျိုးရင်း:	Canidae
မျိုးဇာတ်သေး:	Canina
မျိုးစု:	Canis
မျိုးစိတ်:	C. simensis
ဒွိနာမ
Canis simensis Ruppell, 1840[၂]
Ethiopian wolf range
Synonyms[၃]
C. crinensis Erlanger and Neumann, 1900 C. semiensis Heuglin, 1862 C. simensis Gray, 1869 C. walgié Heuglin, 1862 C. citernii de Beaux, 1922