Normaal
From Wikipedia, the free encyclopedia
Remove ads
Remove ads
Normaal is n'n Nederlandsen popgroep den töt de boerenrock erekkent wöd. De groep wodden op-ericht in 1974 deur Bennie Jolink (Buizen Beernd) en Jan Manschot (Brekken Jan). Zie komt uut den Achterhook en zingt in 't lokale dialect (Achterhooks). Eure anhangers stoat as biezonder trouw te book. De tournees dee zie organiseert heet 'veldtochten' en bunt concerten die vake in grote tenten egeven wödt ("De super-tent toer"). Drank, vrouwleu en skik hebben (of in Normaal-spraak: høken) bunt de thema's dee in de teksten noar veuren komt. Ok 't riejen op motoren is 'n belangriek tiedsverdrief, en verskeidene bandleden hebt ok arnstige ongelukken overleafd. Eure eerste hit "Oerend Hard" geet over motorriejen en een doar op volgend ongeval, in de omgeaving van "'t zand", een bosriek gebied bie 't Achterhookse ploatske Hengel.
Remove ads
Ontstoan
Eind 1974 pikten Jan Manschot de toen veur um bienoa onbekenden Ben Jolink op tiedens n'n autorit vanof studentenstad Enschede op weg terugge noar den Achterhook. Al riejend deden zie eur beklag oaver de opkommende disco en de tegeliekertied zeer populaire glitterrock.
Jan Manschot drumden 'n blauwen moandag en Ben Jolink blek ziene frustraties oaver zien verblief in Amsterdam in dichterlijke leedjes te hebben um-ezat. Zie beslotten um 'n band op te richten.
Gitarist Ferdi Joly (Frederik Puntdroad) en later bassist Willem Terhorst (Wimken van Diene) wodden de andere leden van de band. Later ok zollen de mansleu van 't eerste uur nog samen spöllen.
Tiedens 't brainstormen oaver de noame van de groep, woarbie allerhande ingewikkelde en onmeugelijke bedenksels noar veuren kwammen, zei Ferdi Joly "Hee jonks doe nou effen Normaal". Deze uutsproak ston an de basis van de groepsnoam.
De band zunk in et Achterhooks en Normaal wodden zo de trots van leu afkomstig van et plattelaand. Met Oerend Hard wodden in mei 1977 'n hit escoord, as begin van ne langere riege hits. Normaal wodden bekend veural bie de boeren in de omgeaving van Hummelo, moar zee traden deur 't hele laand op. In de beginjoaren waren bier en rock-'n'-roll 't handelsmark van Normaal.
Remove ads
Belangrieke momenten
- Himmelvoartsdag 1975: Eerste grote optredden op t Popfestival in Lochem
- 1977 1e hit: Oerend hard
- 1982 Ferdi Joly verlöt de groep en wöd vervangen deur Alan Gascoigne (Gaspiepe).
- 1988 Jan Manschot verlöt de groep en wöd vervangen deur Fokke de Jong (Bartje).
- 1982 töt 1992 Normaal scoort gemiddeld dree hits per joar. Elk joar wöd ok 'n album oet-ebrach.
- 2005 Normaal besteet 30 joar en brech een book uut met alle liedteksten en hoezen met de name "Liedjesboek, deur de joaren hen". Ok brengt ze 'n DVD + CD uut van 't jubileumconcert.
- 2010 Normaal besteet 35 joar en brech van t jubileumconcert n CD en n DVD + CD uut.
Remove ads
Wettensweerdegheden
- Normaal is de band met de meeste top 40 hits zonder dat zie een nummer 1 hit ehad hebt.
- Ondanks et ontbrekken van een nr.1-hit in 't oeuvre van Normaal kreg Bennie Jolink een Edison veur 't complete oeuvre van Normaal oet-ereikt in ut program De Wereld Draait Door.
- In juni 2006 kreg de band laandeleke publiciteit umdat de SGP-fraktie in de gemeente Staphorst een gepland koncert in Staphorst wil verbeden, weagens grof taalgebruuk en anmeudiging töt alcoholmisbroek.
- Et nummer Oerend hard oet 1977 steet al zolange de top 2000 besteet in de lieste, tussen de pleatse 82 en 226.[1]
Diskografie
Albums
Singles
Video
Remove ads
Uutgoande verwiezings
Wikiwand - on
Seamless Wikipedia browsing. On steroids.
Remove ads