Rheden
From Wikipedia, the free encyclopedia
Remove ads
Rheden is n darp en gemeente in de Nederlandse provinsie Gelderlaand en hef ne oppervlakte van 84,35 km² (waorvan 2,59 km² water). De gemeente Rheden mek deel uut van de Stadsregio Arnem-Nijmegen.
De gemeente ligt ten oosten van Arnem. De Veluwe vervult zien betrekking as noordelike grenze en den Iessel as zudelike grenze. De darpen ligt as ne gordel in dizzen strook tussen woold en riviere. t Groondgebeed van de gemeente umvat an de ene kante den stuwwal, bulten, woolden, heed en baeken van den Veluwezoom en an de andere kante den Iesselvallei mit uterweerden.
Remove ads
Name en geskiedenis
Den name Rheden kömp van "Rheton" wat letterlik "plaatse waor t riet greuit" is. De geskiedenis van de gemeente geet terug tot 1753 toon de scholtambten Velp en Rheden samen wördden edaon tot één scholtambt Rheden. De keuze veur den name Rheden wierd emaakt umdat t Rhedense scholtambt meer inwonners had. In de löppe van de 19e eeuwe gingen völle renteniers en gepensioneerden in de gemeente Rheden wonnen, veural in De Steeg en Velp. De naobi'je anwaezigheid van ne stad (Arnem) en de mooie natuur waren bepaolende umstandigheden dee den greui van de gemeente Rheden anspoorden. In 100 jaor tied verveervoldigden t inwonnersantal van 5000 naor 23.000.
Bezeensweerdig in t darp Rheden is de hervormde karke, rondum 1500 ebouwd mit romaansen toren uut de 12e eeuwe. Bi'j t darp Rheden steet t bezeukerssentrum Veluwezoom en den Posbank.
Remove ads
Aandere darpen
De Steeg (gemeentehoes), Dieren, Ellekum, Leeg-Soeren, Spankeren en Velp.
Umdat de twee grootste darpen Velp en Dieren an den west- en oostraand van de gemeente ligt, steet t gemeentehoes in t sentraol elaegen darp De Steeg.
De zeuven darpen van de gemeente, op riege naor inwonners (2013):
 |
Dit artikel is eskreaven in et achterhooksk, in de Algemene Nedersaksiese Schriefwieze. |
Remove ads
Wikiwand - on
Seamless Wikipedia browsing. On steroids.
Remove ads