नेपालको एघारौँ राष्ट्रिय जनगणना, २०६८
From Wikipedia, the free encyclopedia
राष्ट्रिय जनगणना २०६८ नेपालमा गरिएको एघारौँ जनगणना हो। यस जनगणनाले देशव्यापी रूपमा तथ्याङ्क सङ्कलन गरेको थियो। राष्ट्रिय जनगणनाको अन्तिम प्रतिवेदन अनुसार नेपालको जनसङ्ख्या २ करोड ६४ लाख ९४ हजार पाँच सय चार पुगेको छ[2]।
एघारौँ राष्ट्रिय जनगणना २०६८ | ||||
---|---|---|---|---|
| ||||
सामान्य जानकारी | ||||
देश | नेपाल | |||
परिणाम | ||||
कुल जनसङ्ख्या | २,६४,९४,५०४ ( १.३५%[1]) | |||
अधिकांश जनसङ्ख्या भएको | मध्यमाञ्चल (९६,५६,९८५) | |||
न्युनतम जनसङ्ख्या भएको | सुदूर-पश्चिमाञ्चल (२५,५२,२१७) |
केन्द्रीय तथ्यांक विभागले प्रकाशित गरेको राष्ट्रिय जनगणना २०६८ को प्रारम्भिक नतिजा अनुसार नेपालको जनसङ्ख्या २,६६,२०,८०९ जना पुगेको देखिन्छ, जुन दश वर्षअघि (२०५८ साल) को जनसङ्ख्या २,३१,५१,४२३ को तुलनामा ३४,६९,३८६ ले बढी देखिन्छ। यसरी दश वर्षमा नेपालको जनसङ्ख्या १४.९९ प्रतिशत बढेको देखिन्छ। विगत दश वर्षको सरदर बार्षिक वृद्धिदर (Exponential Growth) १.४० प्रतिशत देखिन्छ। वि.सं. २०४८ देखि २०५८ सम्मको दश वर्षमा सरदर वार्षिक जनसङ्ख्या वृद्धिदर २.२५ प्रतिशत रहेको थियो।[3]
राष्ट्रिय जनगणना २०६८ को प्रारम्भिक नतिजामा जम्माजम्मी ४७,६७,१९६ वटा घर/भवन वा आवासीय संरचनाहरू देखिएका छन्। ती घर वा आवासीय संरचनामा जम्माजम्मी ५६,५९,९८४ परिवार बसोबास गरेका देखिन्छन्। दश वर्षअघिको परिवार सङ्ख्या ४२,५३,२२० थियो। यसप्रकार विगत १० वर्षमा कुल १४,०६,७६४ परिवार थप भएको देखिन्छ। २०६८ सालमा परिवार र घरको अनुपात १:१.१९ रहेको छ; जसको अर्थ प्रत्येक १०० वटा घर/भवन वा आवासीय संरचनामा औसतमा ११९ परिवारहरू बसोबास गर्दछन्। जनगणना २०६८ को अन्तिम नतिजा अनुसार नेपालको कुल जनसङ्ख्या २,६४,९४,५०४ पुगेको छ।
वि.सं. २०६८ (सन् २०११) सालको नेपालको जनगणनाको अन्तिम नतिजाको संक्षिप्त विवरण[4]
- कुल जनसङ्ख्या: २,६४,९४,५०४
- पुरुष:४८.५० प्रतिशत(१,२८,४९,०४१)
- महिला: ५१.५० प्रतिशत(१,३६,४५,४६३)
- लैंगिक अनुपात: ९४.१६
- जनघनत्व:१८० प्रतिवर्ग किलोमिटर
- परिवार संख्या: ५४,२७,३०२
- पूर्वाञ्चलको जनसङ्ख्या: ५८,११,५५५(२१.९३)
- मध्यमाञ्चलको जनसङ्ख्या: ९६,५६,९८५(३६.४५)
- पश्चिमाञ्चलको जनसङ्ख्या: ४९,२६,७६५(१८.६०)
- मध्यपश्चिमाञ्चलको जनसङ्ख्या: ३५,४६,९८५(१३.३९)
- सुदूरपश्चिमाञ्चलको जनसङ्ख्या: २५,५२,५१७(९.६३)