tysk komponist From Wikipedia, the free encyclopedia
Carl Heinrich Graun (7. mai 1704–8. august 1759) var ein tysk komponist og tenorsongar. I lag med Johann Adolf Hasse vert han rekna for å vere den viktigaste tyske komponisten av italiensk opera i si tid.[1]
Carl Heinrich Graun | |||
Carl Heinrich Graun | |||
Fødd | 7. mai 1704 | ||
---|---|---|---|
Fødestad | Wahrenbrück i Tyskland | ||
Død | 8. august 1759 (55 år) | ||
Dødsstad | Berlin i Tyskland | ||
Opphav | Tyskland | ||
Periode | Klassisismen | ||
Sjanger | Opera | ||
Instrument | vokal | ||
Stemmetype | tenor | ||
Verka som | Komponist | ||
Mor | Anna Margarethe Schneider | ||
Far | August Graun | ||
Born | Carl Ferdinand Graun, Justizrat |
Graun vart fødd i Wahrenbrück i Brandenburg. Han song i koret i operaen i Dresden før han flytta til Braunschweig, song der og skreiv seks operaer for selskapet. I 1735 flytta Graun til Rheinsberg, etter han hadde skrive ein opera for kronprinsen då han gifta seg med Elisabeth Christine i Salzdahlum. Han var kapellmeister for Fredrik II av Preussen (Fredrik den store) frå Fredrik tok over trona i 1740 og fram til Graun døydde nitten år seinare i Berlin.
Graun skreiv fleire operaer, Hans opera Cesare e Cleopatra innvia opninga av operahuset i Berlin i 1742. Andre, som Montezuma (1755), hadde libretto av kong Fredrik. Ingen av verka hans vert mykje spelte i dag, men pasjonen hans, Der Tod Jesu (1755) vart spelt ein del i Tyskland i mange år etter han døydde. Av andre verk han skreiv finn ein solokonsertar og triosonatar.
Carl Heinrich Graun var bror til Johann Gottlieb Graun, som òg var komponist.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.