ukrainsk politisk parti From Wikipedia, the free encyclopedia
Folkets tenar (ukrainsk Слуга народу, Sluha narodu) er eit ukrainsk politisk parti formelt skipa 31. mars 2018.[1] Partiet ber same namn som det satiriske tv-programmet Folkets tener, skapt av produksjonsselskapet Kvartal 95 (Квартал-95).[2][1] Partileiar er advokaten til Kvartal 95 Ivan Bakanov.[2] Då Kvartal 95 skipa partiet, uttalte dei at det var nødvendig for å unngå at andre stal namnet og brukte det til «kyniske politiske formål».[3] Presidentkandidaten til partiet Volodymyr Zelenskyj vann presidentvalet i 2019 og overtok som president i Ukraina 20. mai 2019.
Folkets tenar | |||
| |||
| |||
Land | Ukraina | ||
---|---|---|---|
Grunnleggjarar | Volodymyr Zelenskyj | ||
Grunnlagt | 2. desember 2017 | ||
Ideologi | direktedemokrati, proeuropeisk, liberalisme, radikal sentrum, populisme | ||
Politisk posisjon | sentrisme, catch-all-parti |
Juridisk er partiet etterfølgjaren til «Partiet for avgjerande endring» (ukrainsk Партія рішучих змін).[4][5]
Forlauparen til partiet, «Partiet for avgjerande endring», oppnådde 4 prosents oppslutning på ei meiningsmåling utført av Razumkov-senteret i desember 2017, like under sperregrensa på 5 prosent til ukrainske parlamentsval.[6][7][8] I ei ny meiningsmåling i april 2018 hadde oppslutninga auka til 9 prosent, og i juni 2018 hadde oppslutninga auka til 10,4 prosent.[8][9]
Romjula 2018 kunngjorde partiet at dei einstemmig hadde innstilt komikaren og skodespelaren Volodymyr Zelenskyj som sin kandidat til det ukrainske presidentvalet i 2019.[10][11][12][13] Utover vinteren 2019 auka partiet i oppslutning, og i mars leidde Zelenskyj på fleire meiningsmålingar.[14][15] Zelenskyj vann fyrste runde i presidentvalet, og deretter andre runde 21. april 2019 med over 73 prosent av røystene.[16] Zelenskyj vart dimed ny president i Ukraina og avløyste den sitjande presidenten Petro Porosjenko 20. mai 2019.[17]
Den kommande presidenten erklærte i april 2019 at Folkets tener ikkje ville å gå inn i ei koalisjonsregjering med Porosjenkos solidaritets-blokk, eller med Opposisjonsplattform – For livet.[18] I staden kalla Zelenskyj ut nyval på nasjonalforsamlinga då han tiltredde presidentembetet.[19]
Zelenskyj har òg sagt at han støttar legalisering av medisinsk cannabis, abort, prostitusjon og gambling.[18] Han òg gått imot legalisering av våpen. Elles er det uklart kva politisk ideologi Zelenskyj står for. Han støttar likevel vidare europeisk integrasjon og auka tilnærming til EU og NATO. Eventuelle medlemskap skal likevel avgjerast gjennom folkerøystingar. Han har òg ytra ønske om å reformere det ukrainske rettsvesenet og ein auka kamp mot korrupsjon.[20]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.