Maryse Condé
From Wikipedia, the free encyclopedia
From Wikipedia, the free encyclopedia
Maryse Condé (11. februar 1934–2. april 2024) var ein franskspråkleg forfattar frå Guadeloupe. Ho var særleg kjend for å skriva historiske romanar som tok opp tema om kjønn, rase og kulturelle konfliktar.
Maryse Condé | |
Statsborgarskap | Frankrike |
Fødd | 11. februar 1934 Pointe-à-Pitre |
Død |
2. april 2024 (90 år) |
Yrke | skribent, universitetslærar, barnebokforfattar, skodespelforfattar, litteraturvitar |
Språk | fransk |
Maryse Condé på Commons |
Ho blei fødd som Maryse Boucolon, den yngste av åtte, i Pointe-à-Pitre på Guadeloupe. I 1953 sende foreldra henne til Paris for å studera ved Lycée Fénéleon og Sorbonne-universitetet, der ho gjekk ut med ei grad i engelsk.
Maryse gifta seg med skodespelaren Mamadou Condé frå Guinea i 1959. Dei flytta til Vest-Afrika, ho underviste i Elfenbeinskysten i eitt år før dei busette seg i heimlandet hans og fekk fire ungar. Maryse skilde seg frå Mamadou og flytta til Ghana og Senegal før ho drog tilbake til Europa etter tolv år i Afrika.
Etter ei tid i London som produsent for BBC Radio drog ho tilbake til Sorbonne der ho tok doktorgrad i karibisk litteratur i 1975 med eit studie av stereotypiske framstillingar av svarte (Stéréotypes du noir dans la littérature antillaise).
Condé underviste på ulike universitet og gifta seg etter kvart med Richard Philcox, den engelske omsetjaren av dei fleste bøkene hennar. Etter sin fjerde roman drog ho tilbake til Guadeloupe, som ho framleis vitjar med jamne mellomrom, før ho flytta til USA der ho underviste ved Columbia University.
Condé byrja forfattarskapet sitt med skodespel, men er blitt best kjend for romanane sine, kanskje særleg Ségou, sett i det afrikanske kongedømet Bambara på veg inn i kolonitida, og Moi, Tituba, sorcière noire de Salem, frå slaveritida i Karibia og USA. Ho skreiv òg noveller, barnebøker, artiklar og eit memoar, og redigert talrike antologiar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.