Omleiringa av Port Royal i 1710
From Wikipedia, the free encyclopedia
Omleiringa av Port Royal (5. til 13. oktober 1710), òg kjend som erobringa av Acadia, vart utført av britiske soldatar og provinsstyrkar under Francis Nicholson mot ein fransk garnison i Acadia kommandert av Daniel d'Auger de Subercase, i den acadiske hovudstaden Port Royal. Den vellukka britiske omleiringa markerte byrjinga på den permanente britiske kontrollen over halvøy-området av Acadia, som dei gav namnet Nova Scotia, og det var første gongen britane tok og klarte å halde på ein fransk koloni.[4] Etter at franskmennene overgav seg okkuperte britane fortet i hovudstaden og feire at dei hadde erobra ei av dei største festningane i Europa.[5] Dei gav staden det nye namnet Annapolis Royal.
Omleiringa av Port Royal | |||||||
---|---|---|---|---|---|---|---|
Del av Dronning Anne-krigen | |||||||
Fort Anne (Port Royal) 1710 | |||||||
| |||||||
Partar | |||||||
Storbritannia Irokesarane |
Frankrike Mi'kmaq Abenaki | ||||||
Kommandantar | |||||||
Francis Nicholson | Daniel d'Auger de Subercase | ||||||
Styrkar | |||||||
kring 2 000[2][3] | færre enn 300[2] | ||||||
Tap | |||||||
ukjend | ukjend |
Flint River – Newfoundland – St. Augustine – Apalachee-massakren – Deerfield – Grand Pré – 1. St. John's – Charles Town – 1. Port Royal – Pensacola – Haverhill – 2. St. John's – Fort Albany – 2. Port Royal – Bloody Creek – Quebec |
Omleiringa var det tredje forsøket til britane under Dronning Anne-krigen på å erobre den akadiske hovudstaden, og det fekk store følgjer for dei neste 50 åra. Erobringa var eit nøkkelelement i forhandlingane mellom Frankrike og Storbritannia i 1711-1713 om saker i Nord-Amerika. Det førte til at den nye kolonien Nova Scotia vart oppretta, og førte til stor uro om lagnaden til både akadiarane og Mi'kmaq-folket, som framleis budde i Acadia.[6]
Erobringa av Acadia var eit særs viktig element i historia til dei kanadiske statane - det skjedde før britane erobra Louisbourg og Quebec, og varsla slutten for den franske makta i Nord-Amerika meir generelt.[7]