20000 Varuna

20000 Varuna (overgangsnamn 2000 WR₁₀₆; symbol: ) er eit stort klassisk kuiperbelte-objekt. Objektet har ein estimert diameter på 800–1000 km og blei oppdaga 28. november 2000 av Spacewatch-prosjektet. Dersom det viser seg at Varuna er sfærisk forma vil objektet få dvergplanetstatus.

20000 Varuna

Oppdaging
Oppdaga av	R. McMillan (Spacewatch)
Oppdagingsdato	28. november 2000
Baneskildring
Epoke 14. juli 2004 (JD 2453200,5)
Aphel	6781,985 mill. km (45,335 AE)
Perihel	6120,810 mill. km (40,915 AE)
Stor halvakse	6451,398 mill. km (43,129 AE)
Eksentrisitet	0,051
Snittavvik	89,673°
Banehelling	17,2°
Lengd på oppstigande knute	97,296°
Perihelargument	271,631°
Fysiske eigenskapar
Dimensjonar	874 km (gjennomsnitt ifrå infraraudmålingar)[1]
Masse	~5,9×1020 kg
Snittettleik	0,992 g/cm³[2]
Unnsleppingsfart	0,39 km/s
Rotasjonsperiode	0,13216 d (3,17 t)
Albedo	0,037-0,21
spektralklasse	(moderat raudleg) B-V=0,93 V-R=0,64[3]
Absolutt storleiksklasse (H)	3,7

Namn

Varuna er kalla opp etter den vediske guden Varuna. Han herska over havet og vatna i himmelen, og er blitt likna med Poseidon og Neptun.

Fysiske karakteristikkar

Quaoar samanlikna med Eris, Pluto, Makemake, Haumea, Sedna, Orcus, Varuna, og jorda.

Varuna har ein rotasjonsperiod på omtrent 3,17 timar (6,34 timar dersom lyskurva har dobbelt maksimum). Gitt den hurtige rotasjonen, som er sjeldsynt for så store objekt, er Varuna kanskje noko avlang i forma. Seinare har eit endå større og avlangt objekt, 136108 Haumea, blitt funne; dette òg i kuiperbeltet.^[4]

Overflata til Varuna er moderat raudleg (lik 50000 Quaoar si), men er uvanleg mørk samanlikna med andre klassiske kuiperbelte-objekt (albedoen er mindre enn 0,04). Dette tyder på at det finst lite is på overflata. Likevel har ein identifisert små mengder vassis der.^[5]

Bane

Banane til Varuna (blå), Pluto (raud) og Neptun (grå)

Varuna er klassifisert som eit klassisk kuiperbelte-objekt og følgjer ein nestensirkulær bane med ein store halvakse på omtrent 43 AE; lik Quaoar, men med ei større banehelling. Omløpstida er òg lik Quaoar si og er på 283 jordår.

Ved 43 AE og med ein nær sirkulær bane blir ikkje Varuna påverka i noko særleg grad av Neptun; i motsetnad til Pluto som har ein 2:3 baneresonans med planeten.

Kjelder

Fotnotar