5miinust

5miinust (estisk for fem minusar) er ei estisk hiphopgruppe skipa i Võsu i 2015. Medlemmane av gruppa er Kristjan «Estoni Kohver» Jakobson, Mihkel «Päevakoer» Tamm, Karl «Põhja-Korea» Kivastik og Priit «Lancelot» Tomson.

5miinust
Aktiv	2015–
Plateselskap	Universal Music Baltics

Saman med duoen Puuluup representerte 5miinust Estland i Eurovision Song Contest 2024 med songen «(Nendest) narkootikumidest ei tea me (küll) midagi».^[1]

Historie

5miinust blei skipa i Võsu i 2015. Gruppa fekk eit gjennombrot då albuma Aasta plaat og Rämmar hamna på topp 20-lista over mestseljande album i Estland i 2018.^[2][3] Året etter gav ho ut singelen Aluspükse saman med rapparen Nublu, som låg seks veker på toppen av Eesti Tipp-40,^[4] og blei den tredje mestseljande songen i Estland i 2019.^[5] Same år signerte 5miinust med den baltiske greina av Universal Music Group.^[6] Gjennom Universal Music gav gruppa ut singlane «Paaristõuked», «Peo lõpp» og «Loodus ja hobused», som alle nådde fyrsteplassen på Eesti Tipp-40.^[7][8][9]

5miinust har ved to tilhøve blitt kåra til årets artist under Eesti Muusikaauhinnad, prisutdelinga for den estiske musikkindustrien.^{[10][11][12][13]}

Eesti Laul

I november 2023 blei 5miinust og Puuluup kunngjorde som ein av semifinalistane i Eesti Laul 2024, den estiske nasjonale finalen til Eurovision Song Contest 2024, med songen «(Nendest) narkootikumidest ei tea me (küll) midagi».^[14][15] Dei vann til slutt finalen og fekk retten til å representere Estland i Eurovision Song Contest 2024 i Malmö.^[16][17]

Estland deltok i den andre semifinalen torsdag 9. mai i Malmö.^[18] Der enda dei på ein sjetteplass og kvalifiserte seg til finalen laurdag 11. mai.^[19][20] I finalen enda 5miinust og Puuluup på ein 20. plass med 37 poeng.^[21][22]

Medlemmar

Noverande medlemmar

• Kristjan Jakobson («Estoni Kohver»^[a] eller berre «Kohver»^[b])^[24]
• Mihkel Tamm («Päevakoer»^[c]),^[25]
• Karl Kivastik («Põhja-Korea»^[d] eller berre «Korea»),^[26][27]
• Priit Tomson («Lancelot»).^[28]

Tidlegare medlemmer

• Pavel Botšarov («Venelane»^[e]) (2015–2023). Han starta ein solokarriere under pseudonymet Gameboy Tetris.^[29]

Merknader

1. Estisk for ‘Kofferten til Eston’; refererer til Eston Kohver, ein estisk tryggleiksvakt som blei arrestert i Russland i 2014.^[23]
2. Estisk for ‘koffert’
3. Estisk for brun bjørnespinnar, direkte omsett ‘daghund’ eller ‘solhund’
4. Estisk for Nord-Korea
5. Estisk for ‘russaren’