Eurovision Song Contest 2024
68. utgåve av Eurovision Song Contest From Wikipedia, the free encyclopedia
Remove ads
Eurovision Song Contest 2024 var den 68. utgåva av Eurovision Song Contest, den årlege songtevlinga for medlemmane av Den europeiske kringkastingsunionen. Tevlinga fann stad i Malmö i Sverige etter at Loreen og «Tattoo» vann Eurovision Song Contest 2023 for Sverige.[1] Tevlinga blei organisert og produsert av Sveriges Television i samarbeid med EBU. Dette blir den sjuande gongen Sverige står vertskap, og det var tredje gongen Malmö var vertsby for Eurovision Song Contest.
Tevlinga bestod av tre sendingar: ein semifinale tysdag 7. mai, ein semifinale torsdag 9. mai og finalen laurdag 11. mai. Dei tre showa blei arrangert i Malmö Arena, som også husa tevlinga i 2013.[1] Sendingane blei overført direkte til alle deltakarlanda og andre land med senderettar.
Til saman deltok 37 land, like mange som året før. Luxembourg returnerte til Eurovision Song Contest etter å ha vore fråverande sidan 1993. Av deltakarlanda måtte 31 land gjennom ein av dei to semifinalane, der 20 av dei kvalifiserte seg til finalen. I tillegg deltok vertslandet Sverige og dei «fem store landa» i finalen, slik at finalefeltet bestod av 26 land. Vinnaren blei kåra av fagjuryar og sjåarar.
Tevlinga blei vunne av Sveits og Nemo[3] med låten «The Code».[4][5] Dette var den tredje sigeren til Sveits i Eurovision Song Contest. Nemo blei også den fyrste ikkje-binære personen til å vinne Eurovision Song Contest. Kroatia enda på andreplass etter å ha vunne telefonavrøystinga. Dette er den beste plasseringa til Kroatia i tevlinga. Ukraina, Frankrike og Israel utgjorde resten av topp fem. Noreg deltok med Gåte og låten «Ulveham».
Remove ads
Bakgrunn
Sverige vann Eurovision Song Contest 2023 i Liverpool i Storbritannia med «Tattoo» og Loreen. Dette var den sjuande sigeren til Sverige i tevlinga, etter at ABBA vann i 1974 med «Waterloo», Herreys i 1984 med «Diggi-loo diggi-ley», Carola i 1991 med «Fångad av en stormvind», Charlotte Perrelli i 1999 med «Take Me to Your Heaven», Loreen i 2012 med Euphoria og Måns Zelmerlöw i 2015 med «Heroes». Som vinnar av 2023-tevlinga vann Sverige samstundes retten til å arrangere Eurovision Song Contest i 2024.
Remove ads
Deltakande land
Til saman deltok 37 land i tevlinga, blant dei var Luxembourg, som ikkje hadde delteke sidan 1993.[6][7]
Semifinale 1
Semifinalen blei arrangert tysdag 7. mai klokka 21.00 sentraleuropeisk sommertid. 15 land deltok i denne semifinalen, og dei ti beste kvalifiserer seg til finalen. Dei førehandskvalifiserte landa Frankrike, Storbritannia og vertslandet Sverige skulle røyste i denne semifinalen.[8] Endeleg startrekkefølgje blei bestemt av produsentane av showet etter at alle bidraga var klåre i midten av mars 2024. Under er ei oversikt over deltakarane i rekkefølgja dei skulle framføre sine bidrag i:[9]
Semifinale 2
Semifinalen blei arrangert torsdag 7. mai klokka 21.00 sentraleuropeisk sommartid. 16 land deltok i denne semifinalen, og dei ti beste kvalifiserer seg til finalen. Dei førehandskvalifiserte landa Italia, Spania og Tyskland skulle røyste i denne semifinalen.[8] Endeleg startrekkefølgje blei bestemt av produsentane av showet etter at alle bidraga var klåre i midten av mars 2024. Under er ei oversikt over deltakarane i rekkjefølgja dei skulle framføre sine bidrag i:[9]
Finalen
Finalen blei arrangert laurdag 11. mai klokka 21.00 sentraleuropeisk sommartid. 26 land deltok: fjorårsvinnar Sverige, dei fem store landa, dei ti beste frå den fyrste semifinalen og dei ti beste frå den andre semifinalen. Oversikt over finalistane:
.svg){kind=link}
Remove ads
Sjå òg
Merknader
Kjelder
Bakgrunnsstoff
Wikiwand - on
Seamless Wikipedia browsing. On steroids.
Remove ads