AES10

AES10, eller Multichannel Audio Digital Interface (MADI), er ein multikanal versjon av AES3-protokollen, for bitserial overføring av digitale audiosignal over 75 Ω koaksialkabel eller optisk fiber (FDDI). MADI er definert av AES/EBU ^{[1] [2]}.

Format

Kanalformat

På bitnivå nyttar AES10 sama format som AES3, så ordlengda er 24 bit.

Overføringsformat

Det vert nytta NRZI linjekoding.

Kanalar og sampelfrekvens

Den fyrste versjonen var avgrensa til 56 kanalar og ein sampelrate på 32 kHz – 48 kHz, med moglegheit til endra sampelraten med +/- 12,5 %.

For AES10-2003 er det fleire moglegheiter:

• a) 32 kHz – 48 kHz +/- 12,5%, 56 kanalar
• b) 32 kHz – 48 kHz, 64 kanalar
• c) 64 kHz – 96 kHz +/- 12,5%, 28 kanalar

Om utstyret i begge endar har støtte for det kan fleire kanalar koplast saman for å overføre data med sampelfrekvensar på 192 og 384 kHz.

Fysiske karakteristikkar

Koaksialkabel

Kabelen skal ha ein karakteristisk impedanse på 50 &/Omega; +/- 2 &/Omega;. Terminalane er BNC (IEC 60169-8). AES10-1991 spesifiserer maks overføringsavstand til 50 m med koaksialkabel. Skjermen skal jordast til sendaren og til mottakaren for frekvensar over 30 MHz.

Optisk fiber

AES10-2003 spesifiserer den optiske fiberen som gradert indeks, med ein diameter på 62,5 nm, nominell kappediameter på 125 nm og med numerisk aperture på 0,275 ved 1300 nm. Det skal nyttast fiber interface som spesifisert i ISO/IEC 9314-3. Maks fiberlengd er spesifisert til 2 km.

Bruk

MADI var fyrst og fremst mynta på å kopla saman miksarar og opptakarar i lydstudio, men kringkastingsstasjonar tok i bruk MADI for å distribuera audiomaterial mellom ulike studio og utstyr. I dag er MADI mykje nytta i profesjonelt ustyr.