Aase Nordmo Løvberg

Aase Nordmo Løvberg (fødd 10. juni 1923 i Målselv, død 25. januar 2013)^[1] var ein norsk operasongar. I ei årrekke song ho med Jussi Björling ved Kungliga Operan i Stockholm. Ho song under namngjetne dirigentar som Herbert von Karajan og sir Georg Solti.

Aase Nordmo Løvberg
Fødd	10. juni 1923
Fødestad	Målselv kommune
Død	25. januar 2013 (89 år)
Dødsstad	Lillehammer kommune
Opphav	Noreg, Sverige
Aktiv	1945–2013
Sjanger	opera
Instrument	vokal
Stemmetype	sopran
Verka som	professor, operasongar, opera director
Gift med	Børt-Erik Thoresen
Prisar	Oslo bys kulturpris, ridder av 1. klasse av St. Olavs Orden, Kommandør av St. Olavs Orden, Riddar av Nordstjerneordenen

Nordmo Løvberg debuterte i Oslo i 1948. I perioden 1952 til 1970 budde ho i Stockholm, avbrote av nokre opphald ved Wiens Statsopera og Metropolitan Opera i New York.

Av utdrag frå den norske yrkeskarrieren, kan ein nemne at ho vart lektor ved Musikkonservatoriet i Oslo 1970. Ho vart vidare professor ved Norges musikkhøgskole i perioden 1973–90 og var sjef ved Den Norske Opera frå 1978–81.

Ho var gift med Børt-Erik Thoresen (død 2011) og budde på Lillehammer siste delen av livet.

Utmerkingar

• Løvberg vart tildelt Petter Dass-medaljen i 1978 «for å vera nordnorsk songstjerne.»
• Aase Nordmo Løvberg vart utnemnd til riddar av 1. klasse av St. Olavs Orden 1957 og til kommandør i 1981.
• Løvberg vann Lindemanprisen i 1990.
• Etter å ha avslutta yrkeskarrieren, fekk ho Gammleng-prisen i klassa veteran i 2000.