Administrativ inndeling i Transnistria

Den administrative inndelinga i den internasjonalt ikkje godkjende republikken Transnistria er stadfesta i Lov nr. 155-З-III (САЗ 02-29) av 17. juni 2002 om den administrativ-territorielle strukturen av Den pridnestroviske moldoviske republikken.^[1] Internasjonalt er området rekna som ein del av Moldova.

Administrative inndeling i Transnistria

Byen Bender og nokre landsbyar på vestsida av elva Dnester blir administrerte som ein integrert del av Transnistria, noko Moldova ikkje godtek. Transnistria gjer krav på somme landsbyar på austsida av elva som er under kontroll av styresmaktene i Moldova.

Distrikt og større bykommunar

Landet har

• fem distrikt (rumensk raion, moldovisk kyrillisk район)
  • Camenca
  • Dubăsari
  • Grigoriopol
  • Rîbnița
  • Slobozia
• to bykommunar på distriktsnivå
  • Tiraspol
  • Bender

Byar og landkommunar

Distrikta er administrerte gjennom byar og landkommunar, som igjen kan omfatte fleire busetnader.