Afro Celt Sound System
From Wikipedia, the free encyclopedia
Remove ads
Afro Celt Sound System er ein folkrock-gruppe som blandar elektronisk musikk med tradisjonell gælisk og vestafrikansk musikk. Afro Celt Sound System blei skipa i 1995 av produsenten og gitaristen Simon Emmerson, og har hatt eit stort utval av gjesteartistar.[1] I 2003 endra gruppa for ei tid namnet sitt til Afrocelts, før ho vende tilbake til det opphavlege namnet.
Gruppa gjev ut album på Peter Gabriel sitt plateselskap Real World Records.[2] Ho har opptredd på WOMAD-festivalar over heile verda. Platekontrakten med Real World var på fem album, og Volume 5: Anatomic var det siste.[3]
Etter ei rekkje festivalkonsertar i 2007 hadde gruppa eib pause. I 2010 kom ho saman att for å spela fleire show (inkludert ein retur til WOMAD),[4] og gav ut ein remastra dobbel-CD-en Capture.[5]
Den 20. mai 2014 kunngjorde Afro Celt Sound System utgjevinga av albumet Born.[6] I januar 2016 meddelte ein post på nettstaden til gruppa at på grunn av strid med Emmerson, som kunngjorde at han forlet bandet i 2015, var det to aktive versjonar av bandet, ein leidd av Emmerson og ein annan med ein annan line-up leidd av James McNally og Martin Russell. Emmerson sin versjon av bandet gav ut albumet The Source i 2016.[7] Striden enda 21. desember 2016 med ei kunngjering på sosiale medium.
Gruppa gav ut det sjuande studioalbumet sitt, Flight, 23. november 2018.[8][9][10]
Remove ads
Grunnlegging
.jpg)
Inspirasjonen bak prosjektet stammar frå 1991, då Simon Emmerson, ein Grammy Award-nominert britisk produsent og gitarist, samarbeidde med afropop-stjerna Baaba Maal. Då han laga eit album med Maal i Senegal blei Emmerson slått av likskapen mellom ein afrikansk melodi og ein tradisjonell irsk air. I London fortalde den irske musikaren Davy Spillane Emmerson om ei tru på at nomadiske keltarar budde i Afrika eller India før dei vandra til Vest-Europa. Om teorien var sann eller ikkje, var Emmerson interessert i dei musikalske tradisjonane til dei to regionane.
I eit eksperiment som skulle visa seg å ha suksess førte Emmerson to medlemmar frå Baaba Maal sitt band saman med tradisjonelle irske musikarar for å sjå kva slags musikk dei kom til å laga saman. Emmerson la til litt moderne lyd med engelske dance-mixerar for ein elektronisk beat. «Folk trudde at eg var galen då eg promoterte ideen,» sa Emmerson til Jim Carroll i The Irish Times. «På den tida var eg ikkje populær på klubbscenen i London. Eg var blakk og på trygd, men suksessen var ekstraordinær.»[11]
Remove ads
Karriere
Ved å jamma saman i studioa til Real World, opptakslokala til musikaren Peter Gabriel i Wiltshire i England, spelte musikarane inn grunnlaget for det fyrste albumet sitt på ei veke. Dette albumet, Volume 1: Sound Magic, blei gjeve ut av Real World Records i 1996, og markerte debuten til Afro Celt Sound System.[12]
«Prior to that first album being made, none of us knew if it would work,» sa musikaren James McNally til Larry Katz frå Boston Herald. «We were strangers who didn't even speak the same language. But we were bowled over by this communication that took place beyond language.» Den irsk-ætta McNally som voks opp i London spelte fløyte, keyboard, piano, bodhran og bambusfløyte.
Sound Magic blei selt i over 300 000 eksemplar. Gruppa opptredde på festivalar, raves og danseklubbar, og inkluderte regelmessig to afrikanske musikarar, Moussa Sissokho på talande tromme og djembe og N'Faly Kouyate på vokal, kora og balafon.
Nett då arbeidet med det andre albumet var kome i gang, døydde ein av hovudmedlemmane av gruppa, døydde den 27 år gamle keyboardspelaren Jo Bruce (ein son av basspelaren i Cream, Jack Bruce) plutseleg av eit astmaåtak.[12] Gruppa var hardt råka, og arbeidet blei innstilt. Eit samarbeid med Sinéad O'Connor fekk gruppa til å gå vidare både musikalsk og emosjonelt. «[O'Connor] blew into the studio on a windy November night and blew away again leaving us something incredibly emotional and powerful,» sa McNally til Katz. «We had this track we didn't know what to do with. Sinéad scribbled a few lyrics and bang! She left us completely choked up.» Gruppa nytta tittelen på songen O'Connor var med på å laga, «Release», som tittel på det nye albumet sitt. Volume 2: Release kom ut i 1999, og våren 2000 hadde det selt over ein halv million eksemplar på verdsbasis. Songen er eit av stykka elevar som tek GCSE-kurs i musikk kan studera.[13]
I 2000 blei gruppa nominert til ein grammypris i kategorien «Best World Music». Gruppa, som på denne tida hadde åtte medlemmar frå seks ulike land (Storbritannia, Senegal, Guinea, Irland, Frankrike og Kenya), vart stolt over evna si til å føra folk saman gjennom musikk. «We can communicate anywhere at any corner of the planet and feel that we're at home,» sa McNally til Patrick MacDonald i The Seattle Times. «We're breaking down categories of world music and rock music and black music. We leave a door open to communicate with each other's traditions. And it's changed our lives.»
I 2001 gav gruppa ut Volume 3: Further in Time, som nådde fyrsteplassen på Billboard si Top World Music Albums-liste. Albumet hadde gjesteartistane Peter Gabriel og Robert Plant, og hadde også eit sterkare afrikansk preg enn tidlegare utgjevingar. «On the first two records, the pendulum swung more toward the Celtic, London club side of the equation,» sa Emmerson til The Irish Times. «For this one, we wanted to have more African vocals and input than we'd done before.»[11] Igjen hadde Afro Celt Sound System suksess. Chuck Taylor frå Billboard rosa albumet som «a cultural phenomenon that bursts past the traditional boundaries of contemporary music.» Singelen «When You're Falling», med vokal av Gabriel, blei ein radiohitt i USA.
.jpg)
I 2003 endra gruppa namn til Afrocelts for utgjevinga av albumet Seed. Ho gjekk tilbake til det lengre bandnamnet for dei følgjande albuma sine – Pod, ei samling av nye miksar av songar frå dei fyrste fire albuma, studioalbumet Volume 5: Anatomic og Capture (1995-2010).
Gruppa hadde fleire show for å promotera Volume 5: Anatomic i 2006 og sommaren 2007, og enda med ein konsert i Korea.[14] Deretter tok medlemmane ein lengre pause for å arbeida på sideprosjekt, blant dei The Imagined Village der Simon Emmerson og Johnny Kalsi deltok. Frå sommaren 2010 framførte gruppa ei rekkje konsertar for å promotera Capture (1995-2010), som blei utgjeven 6. september 2010 på Real World Records. Gruppa har hatt fleire konsertar sidan, og arbeidet med eit nytt album, Born, blei kunngjort på nettstaden hennar i 2014. Etter at gruppa delte seg i to gav Emmerson ut albumet The Source i 2016.
Seint i 2024 blei det gjort kjent at Johnny Kalsi hadde forlate bandet. I desember 2024 kunngjorde gruppa på Facebook-sida si at ho frå no av ville vera kjend som Afro-Bard Electronic.
Remove ads
Deling
I løpet 2015 blei gruppa delt i to. Den eine omfatta Simon Emmerson, N'Faly Kouyate og Johnny Kalsi, den andre James McNally og Martin Russell. Delinga blei annonsert på nettstaden til gruppa i januar 2016.[15][16] Usemja blei offisielt avslutta gjennom ei kunngjering på sosiale medium 21. desember 2016 etter at McNally og Russell samtala om å arbeide under eit anna namn enn Emmerson.
Simon Emmerson, James McNally and Martin Russell are pleased to announce that they have been able to set aside their differences and come to an amicable agreement to bring their dispute to an end. Going forward, McNally, Russell and Emmerson have agreed that Emmerson will continue to perform as Afro Celt Sound System and McNally and Russell will work under a new name to be announced in due course. While McNally, Russell and Emmerson will no longer be performing or working together they recognise, and are grateful for each other's contribution to Afro Celt Sound System over the past two decades and will be working with the extensive community of musicians that make up the long standing Afro Celt Sound System family.[17][18]
Medlemmar
Då Afro Celt Sound System blei skipa på midten av 1990-talet under Real World Recording Week var det knapt skilnad mellom gjesteartistar og faste medlemmar av gruppa. Men over tid blei ei gruppe folk meir knytte til Afro Celt Sound System. Volume 5: Anatomic listar berre opp Emmerson, McNally, Ó Lionáird og Russell som regelmessige medlemmar.
Oppdelinga av bandet i to versjonar, som begge opptredde under namnet Afro Celt Sound System, byrja i januar 2016 og blei løyst i desember 2016 etter at McNally og Russell blei samde om å arbeide under eit anna namn enn Emmerson.
Grupperingane var:
- Simon Emmerson, som døydde 13. mars 2023.
- N'Faly Kouyate
- Johnny Kalsi
- Moussa Sissokho
- Griogair Labhruidh
- Ronan Browne
- Emer Mayock
- Davy Spillane
Russell/McNally:
- Martin Russell
- James McNally
- Ian Markin
- Tim Bradshaw
- Babara Bangoura
- Dorothee Munyaneza
- Kadially Kouyaté
- Dav Daheley
Andre musikarar som har opptredd eller spelt med Afro Celt Sound System er Jimmy Mahon, Demba Barry, Babara Bangoura, Iarla Ó Lionáird, Peter Gabriel, Robert Plant, Pete Lockett, Sinéad O'Connor, Pina Kollars, Dorothee Munyaneza, Sevara Nazarkhan, Simon Massey, Jesse Cook, Martin Hayes, Eileen Ivers, Mundy, Mairéad Ní Mhaonaigh og Ciarán Tourish frå Altan, Ronan Nova Browne, Michael McGoldrick, Steáfán Hannigan, Myrdhin, Shooglenifty, Meiread Nesbitt, Nigel Evelle, Davy Spillane, Bruce, Heather, Julie Jonas Murphy, Ayub Ogada, Caroline La Harris, Ross Ainslie, Lynch og Robbie Harris.[19][20]
Remove ads
Diskografi
Studioalbum
Andre album
- Pod (remiksalbum, 2004)
- Capture (1995-2010) (samlealbum 2010), 14. plassen i New Zealand[25]
Gruppa spelte òg inn lydsporet til dataspelet Magic and Mayhem, som kom ut i 1998.
Singlar
Remove ads
Kjelder
Wikiwand - on
Seamless Wikipedia browsing. On steroids.
Remove ads