Elektronisk rock

Elektronisk rock er ein musikksjanger som omfattar ein kombinasjon av rock og elektronisk musikk, med instrument som ein typisk finn innanfor begge sjangrane. Stilen oppstod seint i 1960-åra, då rockeband som The United States of America, White Noise og Gong byrja å nytte elektroniske instrument i rocken sin.^[2] Andre artistar som var tidleg ute med å blande synthesizerar og musique concrète-teknikkar med rockeinstrumentering var mellom andre Silver Apples, Fifty Foot Hose, Syrinx, Lothar and the Hand People, Beaver & Krause og Tonto's Expanding Head Band.^[3]

Elektronisk rock
Andre namn	Synthrock
Stilmessig opphav	Rock elektronisk musique concrète lydbandmusikk avantgarde pop[1] kunstrock[1]
Kulturelt opphav	Seint i 1960-åra
Typiske instrument	Synthesizer elektrisk gitar mellotron elektronisk perkusjon trommer
Undersjangrar
Indietronica dance-punk electroclash new rave post-punk revival post-rock
Andre emne
industriell rock synth-pop new wave post-punk

I 1970-åra dukka tyske «krautrock-band» som Neu!, Kraftwerk, Can og Ash Ra Tempel opp og utforska grensene til rocken ved å bruke elektroniske instrument.^[4] Sidan seint i 2000-åra har elektronisk rock vorte stadig meir populært.^[5] Elektroniske rockeartistar blandar vanlegvis element frå andre musikkstilar, som punkrock, industriell rock, hip hop, techno og synth-pop, som har skapt ei rekkje undersjangrar som indietronica, dance-punk og electroclash.

Sjå òg

• Electropop
• Dance-rock