Alf Nilsen-Børsskog

Alf Nilsen-Børsskog (fødd 1928 i Børselv i Porsanger kommune, død 28. januar 2014) var ein kvensk forfattar. Han var den fyrste romanforfattaren i historia som skreiv på kvensk.^[1]

Alf Nilsen-Børsskog
Statsborgarskap	Noreg
Fødd	1928 Børselv
Død	28. januar 2014 (85 år) Porsanger kommune
Yrke	skribent, lyrikar

Nilsen-Børsskog var i ei årrekkje tilsett som lærar ved ulike vidaregåande skular i Finnmark. Då han blei pensjonist flytta han tilbake til Børselv, og konsentrerte seg om å skrive.^[2] Det endte med tre romanar og tre diktsamlingar før han døydde. To romanar blei gjevne ut etter at han var død.

Han gav ut den fyrste romanen Kuosuvaaran takana ('Bak Kuosovaara') i 2004,^[3] som fyrste del i romanserien Elämän Jatko ('Livet går vidare'). Då han tok til med arbeidet fanst det korkje ordbøker eller grammatikk for kvensk, så han laut laga si eiga rettskriving.

Alf Nilsen-Børsskog gjekk bort 28. januar 2014, 85 år gamal.^[4]

Utgjevingar

• Kuosuvaaran takana – roman (Elämän jatko ; 1), Iđut (2004)
• Aittiruto – roman (Elämän jatko ; 2), Iđut (2007)
• Muistoin maila – dikt, Iđut (2008)
• Poiminttoi – dikt, Kvensk institutt (2010)
• Rauha – roman (Elämän jatko ; 3), Iđut (2011)
• Merimies muistelee – dikt, Iđut (2013)
• Viimi vuođet – roman (Elämän jatko ; 4), Iđut (2015)
• Varhaiset vuođet : elämän alku – roman, Iđut (2019)