All the Young Dudes av Mott the Hoople

All the Young Dudes er det femte studioalbumet til det engelske rockebandet Mott the Hoople, gjeve ut i 1972. Det var det første albumet deira for CBS Records (Columbia Records i USA og Canada), etter tre år på Island Records i Storbritannia og Atlantic Records i Amerika.

All the Young Dudes Studioalbum av Mott the Hoople
Språk	engelsk
Utgjeve	8. september 1972
Innspelt	Mai-juli 1972
Studio	Olympic og Trident, London
Sjanger	Glamrock, hardrock
Lengd	40:47
Selskap	CBS (Storbritannia), Columbia (USA)
Produsent	David Bowie
Mott the Hoople-kronologi
Brain Capers (1971)	All the Young Dudes	Rock and Roll Queen (1972)
Singlar frå All the Young Dudes
«All the Young Dudes» Utgjeve: Juli 1972 «One of the Boys» Utgjeve: 1972 «Sweet Jane» Utgjeve: 19. januar 1973

Meldingar
Karakter
Kjelde	Karakter
AllMusic	[1]
Christgau's Record Guide	A–[2]
Pitchfork	7.8/10[3]
Rolling Stone	positiv[4]

Bakgrunn og mottaking

All the Young Dudes vart vendepunktet for det britiske bandet, som til då hadde strevd med å slå gjennom. Mott the Hoople var på randen var å gje seg då David Bowie kom inn og gav dei songen «All the Young Dudes». Bowie produserte òg albumet, som tok Mott «frå potensielt utdatert til å bli avatarar for glamrockrørsla».^[5] Ei ommastra og utvida utgåve av albumet kom ut på Sony BMG i Storbritannia og USA den 21. februar 2006.

Tittelsporet, «All the Young Dudes», kom ut på singel før albumet og gjekk inn på salslistene verda over, og vart «den ultimate glitterbarn-anthem i 1970-åra».^[6] «Sweet Jane», ein versjon av Velvet Underground-songen frå albumet deira Loaded, kom ut på singel i Canada, Nederland, Portugal, Spania og USA, men ikkje i heimlandet i Storbritannia. «One of the Boys», opphavleg B-side til «All the Young Dudes», kom òg ut på Nord-Amerika og det kontinentale Europa.

I 2003 vart albumet rangert på 491. plassen på lista til magasinet Rolling Stone over dei 500 beste albuma gjennom tidene. I 2012 var albumet fltta til 484. plassen på lista med omtalen «Mott høyrest stundom meir soul-aktig ut, men aldri meir sexy eller glitteraktig.»^[7]

«Ready for Love» vart omarbeidd av det seinare bandet til Mick Ralphs, Bad Company, på det sjølvoppkalla debutalbumet deira. «Soft Ground» vart skriven av organisten Verden Allen og, utanom albumet deira frå 2013, var dette einaste gongen han song solovokal for Mott the Hoople.

Kontrovers kring innspelinga

Det har vorte spekulert i mange år at sjølv om All the Young Dudes vart gjeve ut på CBS/Columbia Records, så kan Mott the Hoople ha spelt inn delar av eller heile albumet medan dei framleis hadde kontrakt med det førre selskapet sitt, Island Records – og om det skulle vise seg å vere sant hadde Island hatt rettane til innspelingane. Spekulasjonane vart forsterka i 2006 då den ommastra utgåva av All the Young Dudes kom ut med fleire bonusspor. Produksjonen på eit av bonusspora, «Black Scorpio» (ei tidleg utgåve av «Momma's Little Jewel»), er tilskriven den faste produsenten til Island, Muff Winwood, noko som indikerer at songen i det minste byrja medan Mott framleis var hos Island.^[8]

Innhald

Side ein

Nr.	Tittel	Låtskrivar(ar)	Lengd
1.	«Sweet Jane»	Lou Reed	4:21
2.	«Momma's Little Jewel»	Ian Hunter, Peter Watts	4:26
3.	«All the Young Dudes»	David Bowie	3:32
4.	«Sucker»	Hunter, Mick Ralphs, Watts	5:03
5.	«Jerkin' Crocus»	Hunter	4:00

Side to

Nr.	Tittel	Låtskrivar(ar)	Lengd
6.	«One of the Boys»	Hunter, Ralphs	6:46
7.	«Soft Ground»	Verden Allen	3:17
8.	«Ready for Love/After Lights»	Ralphs	6:47
9.	«Sea Diver»	Hunter	2:53

Bonusspor på 2006-utgåva

Nr.	Tittel	Låtskrivar(ar)	Lengd
10.	«One of the Boys» (demo)	Hunter, Ralphs	4:18
11.	«Black Scorpio» (demoversjon av «Momma's Little Jewel»)	Hunter, Watts	3:35
12.	«Ride on the Sun» (demoversjon av «Sea Diver»)	Hunter	3:36
13.	«One of the Boys» (britisk singelversjon)	Hunter, Ralphs	4:21
14.	«All the Young Dudes» (vokal av David Bowie og Ian Hunter)	Bowie	4:25
15.	«Sucker» (Live 1973 i Hammersmith Odeon)	Hunter, Ralph, Watts	6:27
16.	«Sweet Jane» (Live 1973 i Hammersmith Odeon)	Reed	5:00

Medverkande

Mott the Hoople

• Ian Hunter – solovokal, gitar, piano
• Mick Ralphs – sologitar, korvokal, solovokal på «Ready For Love / After Lights»
• Pete Overend Watts – bassgitar, korvokal
• Dale «Buffin» Griffin – trommer, perkusjon, korvokal
• Verden Allen – orgel, korvokal, solovokal på «Soft Ground»

Andre medverkande

• Ariel Bender – gitar, vokal på bonusspora 6, 7
• Mick Bolton – orgel på bonusspor 7
• David Bowie – saksofon, korvokal, vokal på bonusspor 5
• Morgan Fisher – orgel, Mellotron på bonusspor 3; piano, synthesizer, vokal på bonusspora 6, 7
• Ray Majors – slidegitar på bonusspor 2
• Mick Ronson – strykeinstrument, blåsarar, arrangement på «Sea Diver»
• Buddy Bauerle – panfløyte
• Mike Walls – Hammond B3-orgel
• Jeff Hanover – vibraslap

Teknisk

• David Bowie – produsent
• David Hentschel, Keith Harwood, Ted Sharp – lydteknikar
• George Underwood – plateomslaget
• Mick Rock – konsept for plateomslaget, kunstnarisk leiar, fotografi

Salslister

Album

År	Liste	Plassering
1972/73	UK Albums Chart[9]	21[10]
	AUS Kent Music Report	61[11]
	US Billboard 200	89[12]

Single

År	Singel	Liste	Plassering
1972	«All the Young Dudes»	UK Singles Chart[9]	3[10]
		US Billboard Hot 100	37[13]
	«One of the Boys»	US Billboard Hot 100	96[13]