Andre Geim

Andre Konstantin Geim (fødd 1. oktober 1958) er ein russisk–nederlandsk–britisk fysikar og materialvitar. Han er oppdagar av karbonmaterialet grafén,^[1] og har òg gjennomført eksperiment med magnetisk levitasjon som fekk ein frosk til å levitere.^[2] Dette eksperimentet førte til at han vart tildelt Ig Nobelprisen i 2000, saman med Michael Berry.

Andre Konstantin Geim
Fødd	1. oktober 1958 (66 år) Sotsji i Russisk SFSR i USSR
Bustad	England
Nasjonalitet	Nederlandsk og britisk
Område	faststoff-fysikk, nanoteknologi
Yrke	fysikar, oppfinnar, professor, vitskapsperson
Institusjonar	University of Manchester Institute of Solid State Physics Radboud Universiteit Nijmegen
Alma mater	fysikkfakultetet ved Moskvas institutt for fysikk og teknologi University of Manchester Moskvas institutt for fysikk og teknologi
Kjend for	Arbeid med grafén
Ektefelle	Irina Grigorieva
Medlem	Royal Society National Academy of Sciences Koninklijke Nederlandse Akademie van Wetenschappen Det kinesiske vitenskapsakademi

Andre Geim vart tildelt Nobelprisen i fysikk i 2010, saman med Konstantin Novoselov for oppdaginga av materialet grafén.

Geim avla doktorgraden sin ved instituttet for faststoffysikk innan Det russiske vitskapsakademiet. Han vart seinare professor ved Radboud universitet i Nijmegen i Nederland, og har sidan 2001 virka som professor ved University of Manchester. Han er medlem av Royal Society.

I 2010 vart Geim gjort til kommandør av Den nederlandske løves orden for medverkinga si til vitskapen i Nederland.^[3]

Geim vart i 2012 utnemnd til Knight Bachelor.^[4] Han vart dermed adla og fekk rett til å føre tiltaleformen sir føre namnet sitt.