Anette Hoff

Anette Hoff (fødd 16. mai 1961) er ein norsk skodespelar frå Drøbak i Akershus. Hoff er mest kjend for rolla som Juni Anker-Hansen i såpeserien Hotel Cæsar på TV 2, ei rolle ho har hatt samanhengande sidan 1998.

Anette Hoff
Fødd	16. mai 1961 (64 år)
Fødestad	Drøbak
Verka som	skodespelar, TV-regissør
Ektefelle	Nils Ole Oftebro
Born	Jonas Hoff Oftebro
Prisar	Gullruten for beste skodespelar, Gullrutens hederspris

Karriere

Hoff arbeidde som sufflør og statist ved Nationaltheatret i perioden 1985–1988. Frå 1989 har ho arbeidd som frilansskodespelar. For rolla i Hotel Cæsar vart ho kåra til beste TV-skodespelar under Gullruten 1999,^[1] og ho fekk dessutan heidersprisen under Gullruten 2010 saman med medskodespelar Sossen Krohg. Hoff medverka i heile serien og hadde òg regi på nokre episodar.

Hoff har i tillegg mellom anna spelt rolla som Torgny i Spelet om St. Hallvard på Gilhus i Lier. Spelet hadde premiere 13. august 2008. Ho står bak den norskspråklege dubbingstemma til Petunia Dumling i Harry Potter-filmane. I 2010 tok Hoff seg ein seks månaders pause frå Hotel Cæsar-settet for å spele i Riksteatret si oppsetjing og turné av Kven er redd for Virginia Woolf?, der ho spela Martha. Ho spela Blåmor i Jul i Blåfjell i 2011. Sommaren 2012 spela ho Kjerring Bråte i vikingmusikalen Herøyspelet Kongens Ring.^[2]

Hoff var deltakar i realityserien Spillet i 2024^[3][4] og i talentprogrammet Kokkeskolen i 2025.^[5]

Privatliv

Hoff er gift med skodespelaren Nils Ole Oftebro og saman har dei sonen Jonas Hoff Oftebro.^[6][7][8]