Anna Odobescu

Anna Odobescu (fødd 3. desember 1991 i Dubăsari i Moldova), òg stava Ana Odobescu,^[1] er ei moldovsk songarinne. I 2019 vann ho den moldovske uttakinga til Eurovision Song Contest, O melodie pentru Europa, med låta «Stay». Ho skal dermed representera Moldova i Eurovision Song Contest 2019 i Tel Aviv.^[2][3]

Anna Odobescu
Fødd	3. november 1991 (33 år)
Fødestad	Dubăsari
Opphav	Moldova
Aktiv	2018–
Sjanger	Pop
Verka som	songar

Bakgrunn

Odobescu vart fødd i byen Dubăsari i Transnistria, ein de facto sjølvstyrt region i austre Moldova. Ho har ei diplomgrad frå Academia de Muzică, Teatru și Arta Plastice i hovudstaden Chișinău.^[2]

Laurdag 2. mars 2019 vart ho nasjonalt kjend i Moldova, då ho deltok i den moldovske songtevlinga O melodie pentru Europa, med låta «Stay». Ho var favoritten til juryen, og nummer to blant tv-sjåarane, men enda opp som vinnar samanlagt.^[3] Med sigeren blei ho vald ut til å representera Moldova i Eurovision Song Contest i Tel Aviv i Israel i mai 2019.

Diskografi

• 2019 – «Stay»