Arctocephalus

Arctocephalus er ei biologisk slekt i øyreselfamilien med åtte artar som vesentleg førekjem på den sørlege halvkula. Slekta er kalla sørlege pelsselar på norsk.^[1]

Arctocephalus
Newzealandpelssel (Arctocephalus forsteri)
Utbreiing
Utbreiinga av Arctocephalus
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Pattedyr Mammalia
Orden:	Rovpattedyr Carnivora
Infraorden:	Selar Pinnipedia
Familie:	Øyreselfamilien Otariidae
Slekt:	Arctocephalus Geoffroy & F.Cuvier, 1826

Slektsnamnet Arctocephalus har greskspråklege røter. Arcto, ἄρκτος, kjem frå det greske ordet for «bjørn».^[2] Cephalus, κεφαλή, er det greske ordet for «hovud».^[3]

Artsliste

Talet på artar i slekta Arctocephalus er omdiskutert på grunn av avgrensa molekylære data og førekomst av fruktbare hybridar.^[4]

Verdas naturvernunion, IUCN, har lista følgjande åtte medlemmer av Arctocephalus, der alle er kategoriserte som livskraftige (LC) unntatt galápagospelssel som er kategorisert sterkt truga (EN).^[5] Norske namn er etter «Verdens dyr. 2: Havets pattedyr».^[1]

Bilete	Norsk og vitskapleg namn	Utbreiingsområde
	Kerguelenpelssel (Arctocephalus gazella) Peters, 1875	Subantarktiske øyar
	Guadalupepelssel (Arctocephalus townsendi) Merriam, 1897
	Fernándezpelssel (Arctocephalus philippii) Peters, 1866
	Galápagospelssel (Arctocephalus galapagoensis) Heller, 1904	Galápagosøyane
	Sørafrikapelssel (Arctocephalus pusillus) Schreber, 1775
	Newzealandpelssel (Arctocephalus forsteri) Lesson, 1828
	Tropikpelssel (Arctocephalus tropicalis) Gray, 1872
	Søramerikapelssel (Arctocephalus australis) Zimmermann, 1783