Frøkappe

Frøkappe (aril eller arillus) er eit kjøtfullt hylster som dekkjer frøet til ein plante meir eller mindre fullstendig. Det blir danna av frøemnestrengen (funiculus) og kan danna ein fruktliknande som kan vera fargesterk og velsmakande for visse artar. Ho speler ei rolle ved frøspreiinga, til dømes som mat for fuglar.^[1]

Barlind utviklar ei tjukk raud frøkappe. Ho byrjar som eit lite grønt band ved frøfestet og blir brun og så raud samtidig som ho veks rundt frøet.

Fleire dekkfrøplantar utviklar frøkappe, til dømes litchi, longan og ackee, som kan etast av menneske. Ein del nakenfrøingar utviklar frøkappe. Hjå mellom anna barlind, spolebusk og muskatnøtt-treet er ho særskild utvikla. Det newzealandske bartreet kahikatea (Dacrycarpus dacrydioides) har ei frøkappe som blei kalla koroi av maoriar og brukt til mat.^[2][3]